ភ្នំពេញ៖ នៅព្រលប់ថ្ងៃទី ១៩ ខែ កុម្ភៈ ឆ្នាំ ២០២០ សមត្ថកិច្ច បានសម្រេចឃាត់ខ្លួន ឈ្មោះ ថៃ ស្រីនាង បន្ទាប់ពីនាងមិនគោរពកិច្ចសន្យាដែលបានឡាញវីដេអូសុំទោស និងផ្តិតមេដៃលើកិច្ចសន្យាកាលពីព្រឹកថ្ងៃនេះ ។
លោកផែង វណ្ណៈ បានសរសេរលើហ្វេសប៊ុកផ្លូវការថា ស្រីម្នាក់ឈ្មោះ ថៃ ស្រីនាង ដែលរស់ដោយសារការ Live Video បញ្ចេញដោះ បញ្ចេញអូកណូក តាម ហ្វេសប៊ុក ត្រូវបានសមត្ថកិច្ចនគរបាលរាជធានីភ្នំពេញ ហៅទៅអប់រំ និង ធ្វើកិច្ចសន្យា ឲ្យឈប់ប្រព្រឹត្តិអំពើបង្ហាញកេរម៉ែចែកឲ្យតទៅទៀត ។ ប៉ុន្ដែបន្ទាប់ពីចេញពីការិយាល័យនគរបាលមក ថៃ ស្រីនាង នៅតែបង្ហោះរូបថតសិចស៊ីដដែល ។ នេះបានគេហៅថា កុំពត់ស្រឡៅ កុំប្រដៅស្រីខូច ។ ឈ្មោះ ថៃ ស្រីនាង ធ្លាប់ត្រូវបានគូរស្នេហ៍វាយបែកមុខបែកមាត់ម្ដងរួចមកហើយ ព្រោះតែបង្ហាញកេរម៉ែចែកឲ្យហួសហេតុពេក ។
ក្នុងហ្វេសប៊ុក នារសៀលថ្ងៃនេះ ថៃ ស្រីនាង បានបញ្ជាក់ថា លោកពូ ផែងវណ្ណៈ គួរតែប្រើពាក្យសម្តីឲ្យបានថ្លៃថ្នូ ជាងនេះបន្តិច ក្នុងនាមលោកពូជា អ្នកកាសែត ជាពិសេស ពូនិយាយរឿងមិនពិតរបស់ខ្ញុំ ច្រើនណាស់ តែខ្ញុំធ្វើមិនដឹង ព្រោះមិនចង់មានបញ្ហា ពូគួរតែមានក្រមសីលធម៌ ក្នុងការនិយាយឲ្យបានខ្ពស់ជាងនេះបន្តិច ជៀសវាងក្មេង យកគំរូ តាម ពូចាស់ហើយ កុំចង់បាន ឡាចនិងស៊ែរច្រើនពេក វៃឆ្កែកុំឲ្យទាល់ច្រកណាពូ សង្ឃឹថាពូនិងយល់នៅអ្វីដែរ ខ្ញុំនិយាយ ។
ស្រីនាង បន្តថា ឲ្យខ្ញុំស្លៀកពាក់បែបនេះ ហើយលក់លីអូ តើពិតទេ? នេះហើយសង្គមខ្មែរជាន់ពន្លិច ។ ខ្ញុំសូមមិនជ្រលក់មួយ អា តាំងគីមសួរ និងអាចារ្យខ្មោច និងទេ វាជារឿងអត់ប្រយោជន៍ មនុស្សវាជាមនុស្សដង្កូវក្នុងសង្គមតែប៉ុណ្ណោះ ខ្ញុំមិនយកពេលវេលាទៅចំណាយលើបុគ្គលយកសង្គមបាំងមុខនិងឡើយ សុំចប់គ្នាត្រឹមនិងចុះ Hero. សូមជូនពាន. ដែលចិញ្ចឹមចិត្ត ឈ្នានីសខ្ញុំមោរហូតផង. ខ្ញុំអហោសិកម្មឲ្យចុះ។
លោកវរសេនីយ៍ទោ សុខ ហេង អធិការនគរបាលខណ្ឌទួលគោក បានបញ្ជាក់ឲ្យដឹងថា ថៃ ស្រីនាង ដែលតែងតែផុសរូបភាព និងវីដេអូខ្លីប លក់សម្លៀកបំពាក់ សិចស៊ីជ្រុលហួសហេតុ ដែលធ្វើឲ្យប៉ះពាល់យ៉ាងខ្លាំងដល់ទំនៀមទម្លាប់ប្រពៃណី និងកិត្តិយសរបស់ស្ត្រីខ្មែរ ត្រូវបាននាំខ្លួនមកអធិការដ្ឋាននគរបាលខណ្ឌទួលគោក ដើម្បីធ្វើការអប់រំ ណែនាំ និងធ្វើកិច្ចសន្យា ហើយ ថៃ ស្រីនាង ក៏បានថតវីដេអូដើម្បីធ្វើការសុំទោសជាសាធារណ:ផងដែរ ។
ស្ត្រីរកស៊ីម្នាក់ដែលតែងផ្សាយ Live លក់ផលិតផលតាម Facebook ដែលបញ្ចេញអស់កេរខ្មាស ត្រូវបានសមត្ថកិច្ចនគរបាលឃាត់ខ្លួនមកវិញ ក្រោយពេលដែលទើបធ្វើកិច្ចសន្យាហើយ បែរជាល្មើសនឹងកិច្ចសន្យា និងបន្តប្រព្រឹត្តអំពើឥតអៀនខ្មាសនោះម្តងទៀត ជាពិសេសនោះបានរិះគន់មន្ត្រីអាជ្ញាធរនៅលើបណ្តាញសង្គម Facebook ទៀតផង។
ស្ត្រីអាយុ៣៩ឆ្នាំ ឈ្មោះ វ៉ែន រចនា ហៅ ថៃ ស្រីនាង ត្រូវគេស្គាល់ថា ជាស្ត្រីលក់ផលិតផលអនឡាញរបស់ខ្លួនតាមបណ្តាញសង្គម ដោយបានបញ្ចេញសាច់ និងកន្លែងកេរខ្មាសមួយចំនួន ដែល អំពើទាំងនោះ បានរងការរិះគន់យ៉ាងក្រៃលែង។ ស្ត្រីរកស៊ីម្នាក់នោះ មានទីលំនៅក្នុងខណ្ឌទួលគោក រាជធានីភ្នំពេញ។
មន្ត្រីជាន់ខ្ពស់នៃស្នងការដ្ឋាននគរបាលរាជធានីភ្នំពេញ បានប្រាប់បណ្តាញព័ត៌មាន ថា ក្រោយស្ត្រីរូបនេះ បានបង្ហោះសាររិះគន់ចំពោះចំណាត់ការរបស់សមត្ថកិច្ចនោះ ហើយមិនព្រមធ្វើតាមកិច្ចសន្យារបស់ខ្លួន កម្លាំងនគរបាលក៏បានទៅឃាត់ស្ត្រីរូបនេះ ដើម្បីបន្តការសាកសួរ និងចាត់ការតាមផ្លូវច្បាប់។
សូមបញ្ជាក់ថា ថៃ ស្រីនាង ដែលមហាជនតែងតែឃើញសកម្មភាពលក់ផលិតផលតាម Facebook ជាមួយការស្លៀកពាក់មិនសមរម្យខ្លាំង ឬ Sexy និងត្រូវបានអ្នកលេង Facebook នាំគ្នារិះគន់ខ្លាំងៗនោះ នៅថ្ងៃទី១៩ ខែកុម្ភៈនេះ បានធ្វើកិច្ចសន្យាជាមួយអាជ្ញាធរ និងសមត្ថកិច្ចទទួលស្គាល់កំហុសរបស់ខ្លួន ព្រមទាំង Live Video សុំទោសជាសាធារណៈចំពោះការ ស្លៀកពាក់របស់ខ្លួនកន្លងមក។
សម្រាប់ករណីនេះ កម្លាំងសមត្ថកិច្ច នឹងបន្ដចាត់វិធានចំពោះអ្នកលក់ផលិតផលតាមអនឡាញលើបណ្តាញសង្គម Facebook ដទៃទៀត ដែលបញ្ចេញសាច់ និងកន្លែងកេរខ្មាសហួសហេតុ ដើម្បីតែទាក់ទាញចំណាប់អារម្មណ៍អ្នកទិញ។
ក្នុងកិច្ចសន្យារបស់ ថៃ ស្រីនាង មានខ្លឹមសារយ៉ាងដូច្នេះថា៖នាងខ្ញុំបាន Live លក់ផលិតផល និងសម្លៀកបំពាក់លក់តាម On Line រយៈពេលកន្លងមក នាងខ្ញុំបានស្លៀកពាក់មានភាពស៊ីចស៊ី លិចលើខើចក្រោម ដែលធ្វើឲ្យប៉ះពាល់ដល់តម្លៃ និងកិត្ដិយសរបស់ស្ដ្រីខ្មែរ វប្បធម៌ប្រពៃណីជាតិ និងច្បាប់ជាធរមាន ។ នាងខ្ញុំសូមសន្យា ដកចេញនូវរាល់រូបភាពស៊ិចស៊ី អាក្រាត ក្នុង Page របស់នាងខ្ញុំផុតកន្លងមក។
នាងខ្ញុំសូមសន្យាថាឈប់បង្ហោះរូបភាព ស៊ិចស៊ី អាក្រាត ដែលនាំឲ្យប៉ះពាល់ដល់សេចក្ដីថ្លៃថ្នូរទំនៀមទម្លាប់ប្រពៃណីខ្មែរទៀតឡើយ ប្រសិនជាថ្ងៃក្រោយ នាងខ្ញុំមិនគោរពតាមកិច្ចសន្យាខាងលើ នាងខ្ញុំសុខចិត្ដទទួលខុសត្រូវចំពោះមុខច្បាប់ ទាំងស្រុងចាប់ពីថ្ងៃនេះតទៅ។
ប្រតិបត្ដិការ និងចំណាត់ការរបស់អាជ្ញាធរយ៉ាងដូច្នេះ ក្រោយពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានសម្តែងការមិនសប្បាយចិត្តចំពោះការផ្សាយ Live លក់ផលិតផលតាម Facebook ដែលបញ្ចេញអស់កេរខ្មាស។
សម្តេចប្រមុខរាជរដ្ឋាភិបាល បានបញ្ជាទៅក្រសួងប្រៃសនីយ និងទូរគមនាគមន៍ ឲ្យបិទរាល់គណនី Facebook ផ្សាយលក់ផលិតផល ដែលបញ្ចេញអស់កេរខ្មាសទាំងនេះ ចំណែកអ្នកមិនបញ្ចេញកេរខ្មាសមិនអីនោះទេ។
សម្តេចតេជោ នាយករដ្ឋមន្ត្រី បានបញ្ជាក់ថា ការ Live បែបនេះនាំឱ្យមានការបំពានផ្លូវភេទស្រី ក្នុងសង្គមនាពេលបច្ចុប្បន្ន ហើយអាចនាំឲ្យកើតមានករណី ចាប់រំលោភផងដែរ។
បទបញ្ជារបស់សម្តេចតេជោ ហ៊ុន សែន បានធ្វើឡើងនៅក្នុងកិច្ចប្រជុំក្រុមប្រឹក្សាជាតិដើម្បីស្ត្រី កាលពីពេលថ្មីៗកន្លងទៅនេះ៕ ដោយ៖កូឡាប
