កោះកុង៖ ស្នងការដ្ឋាននគរបាលខត្ត បានឲ្យដឹងថា នៅថ្ងៃទី ១៩ កុម្ភៈ ២០២០ នាវេលាម៉ោង ២០:៣០នាទីយប់ នៅលើផ្លូវជាតិលេខ ៤៨ ចន្លោះបង្គោលគីឡូម៉ែត្រលេខ ៣៥-៣៦ ស្ថិតក្នុងភូមិតាំកន់ ឃុំកណ្តោល ស្រុកបូទុមសាគរ មានករណីគ្រោះថ្នាក់ចរាចរណ៍ កើតឡើង ១ លើក បង្កឡើងដោយរថយន្ត ១គ្រឿង ប្រភេទរថយន្តដឹកទំនិញ (ពុំទាន់ស្គាល់អត្តសញ្ញណ ) បើកបរទិសដៅពីរកើតទៅលិច មកដល់ចំណុចកើតហេតុ បានបុកម៉ូតូ ០១គ្រឿង (ទិសដៅផ្ទុយគ្នា) ម៉ូតូម៉ាក វេច ពណ៌ ក្រហម ពាក់ផ្លាកលេខព្រះសីហនុ ១D ២៩១៩ បណ្តាលឲ្យស្លាប់មនុស្សចំនួន ០២នាក់ ប្រុស រីឯអ្នកបើកបររថយន្តបង្ក បានបើករត់គេចខ្លួនបាត់ បច្ចុប្បន្ន កម្លាំងយើងកំពុងធ្វើការស្រាវជ្រាវ ។
ស្នងការដ្ឋាននគរបាលខេត្តកោះកុង បានឲ្យដឹងថា ជនរងគ្រោះទី ១ មានឈ្មោះ ម៉ិវ មឿន ភេទប្រុស អាយុ ៥០ឆ្នាំ ជនជាតិខ្មែរ មានទីលំនៅភូមិឈូក ឃុំជីខលើ ស្រុកស្រែអំបិល (ស្លាប់)។ ជនរងគ្រោះទី ២ មានឈ្មោះ ផាត់ សុផារី ភេទប្រុស អាយុ ៥៣ឆ្នាំ ជនជាតិខ្មែរ មានទីលំនៅភូមិឈូក ឃុំជីខលើ ស្រុកស្រែអំបិល (ស្លាប់) ។
បច្ចុប្បន្ន សពជនរងគ្រោះទាំងពីរនាក់ខាងលើ កម្លាំងយើងបានប្រគល់ជូនគ្រួសារសព យកទៅធ្វើបុណ្យតាមប្រពៃណី ៕ ដោយ៖កូឡាប