ខេត្តស្វាយរៀងៈ បុរសជាកូនម្នាក់ត្រូវបានសមត្ថកិច្ចធ្វើការឃាត់ខ្លួន ខណៈដែលជនសង្ស័យបានយកព្រនង់ វាយទៅលើឪពុកបង្កើតរបស់ខ្លួន និងម្តាយចុង បណ្តាលឱ្យរងរបួសធ្ងន់ ដោយសារខឹងម្តាយចុង មិនឱ្យខ្ចីធុងបាស់ចាក់ស្តាប់នៅពេលខ្លួនស្រវឹងស្រា។
ហេតុការណ៍បង្កហឹង្សាក្នុងគ្រួសារខាងលើនេះ បានកើតឡើងកាលពីវេលាម៉ោង១៩និង៣០នាទីយប់ ថ្ងៃទី១៨ ខែកុម្ភៈ ឆ្នាំ២០២០ នៅភូមិឈើទាល ឃុំដូង ស្រុករមាសហែក ខេត្តស្វាយរៀង។
សមត្ថកិច្ចបានឱ្យដឹងថាៈ អំពើហឹង្សាខាងលើបង្កឡើងដោយជនសង្ស័យឈ្មោះម៉ី រិន ហៅបារាំង
អាយុ៣៣ឆ្នាំ ត្រូវជាកូនរស់នៅភូមិឈើទាល ឃុំដូង ស្រុករមាសហែក ខេត្តស្វាយរៀង បានយកព្រនង់ឈើវាយទៅលើឈ្មោះពុត អូន ភេទស្រី អាយុ៣៧ឆ្នាំ ត្រូវជាម្តាយចុង រស់នៅជាមួយគ្នា បណ្តាលឲ្យរងរបួសក្បាល និងវាយទៅលើឈ្មោះម៉ី យ៉ែម ភេទប្រុស អាយុ៥៧ឆ្នាំ ជាឪពុកបង្កើត រស់នៅជាមួយគ្នា រងរបួសហើមភ្នែកខាងឆ្វេង។
ប្រភពដដែលបានបន្តថាៈ មូលហេតុជនសង្ស័យបានផឹកស្រាស្រវឹង ហើយខ្ចីធុងMP3ម្តាយ ចាក់រាំលេង តែម្តាយមិនឲ្យក៏ខឹងទាញព្រនង់វាយតែម្តងឃើញ ដូចនោះឪពុកបានមកឃាត់ក៏វាយឪពុកម្នាក់ទៀត។ បច្ចុប្បន្នជនរងគ្រោះទាំងពីរនាក់ បានសម្រាកព្យាបាលនៅមណ្ឌលសុខភាពដូង ឯជនសង្ស័យបានឃាត់ខ្លួនរួចហើយ ដើម្បីកសាងសុំណុំរឿងចាត់ការបន្តទៅតាមផ្លូវច្បាប់៕ដោយ៖ វ៉ៃកូ
