លិខិតចំហរបស់សកម្មជនស្ត្រីដែលធ្វើការដើម្បីលើកកម្ពស់សិទ្ធិស្ត្រីនិងសមភាពយេនឌ័រនៅកម្ពុជាគោរពជូនចំពោះ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា – សិទ្ធិស្ត្រី ជាសិទ្ធិមនុស្ស៖ កម្ពុជាត្រូវគោរពសិទ្ធិស្វ័យសម្រេច សិទ្ធិសម្តែងមតិ អារម្មណ៍ និងជម្រើសរាងកាយរបស់ស្ត្រី។ លិខិតចំហរធ្វើឡើងកាលពីថ្ងៃទី១៩កុម្ភៈរបស់តំណាងសង្គមស៊ីវិល ដែលត្រូវបានមជ្ឈមណ្ឌលសិទ្ធិមនុស្សកម្ពុជា យកមកផ្សព្វផ្សាយលើហ្វេសប៊ុកផ្លូវការ ។
ការដាក់ទណ្ឌកម្មទៅលើស្ត្រីដោយសារតែជម្រើសនៃការស្លៀកពាក់របស់ពួកគេ គឺជាឫសគល់នៃអំពើហិង្សានិង ការរើសអើងលើស្ត្រី វាមិនមែនជាដំណោះស្រាយនោះទេ ដែលរាជរដ្ឋាភិបាលគួរធ្វើការពិចារណាឡើងវិញ។ យើងខ្ញុំ សូម អំពាវនាវ ដល់រាជរដ្ឋាភិបាលក្នុងការធានាថា កម្ពុជានឹងគោរពសិទ្ធិស្វ័យសម្រេច សិទ្ធិសម្តែងមតិ អារម្មណ៍ និងជម្រើស រាងកាយរបស់ស្ត្រី ដើម្បីសម្រេចបានការលើកកម្ពស់សមភាពយេនឌ័រ និងបញ្ឈប់អំពើហិង្សាផ្អែកលើយេនឌ័រនៅកម្ពុជា៕ ដោយ៖កូឡាប
