ភ្នំពេញ៖ អធិការដ្ឋាននគរបាលខណ្ឌចំការមន បានឲ្យដឹងថា នៅយប់ថ្ងៃទី២១ ខែកុម្ភៈ ឆ្នាំ២០២០ កម្លាំងផ្នែកជំនាញ និងប៉ុស្តិ៍នគរបាលរដ្ឋបាលទន្លេបាសាក់ នៃអធិការដ្ឋាននគរបាលខណ្ឌចំការមន បានធ្វើការឃាត់ខ្លួនជនសង្ស័យចំនួន ០៦នាក់ ដែលពាក់ព័ន្ធនិងករណីប្លន់នៅចំណុចមុខការ៉ាសសាំង ភីធីធី (PTT) ក្បាលថ្នល់ ផ្លូវនរោត្តម ដែលស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីយប់ថ្ងៃទី២១ ខែកុម្ភៈ ឆ្នាំ២០២០ វេលាម៉ោង ២២:៥៤នាទីយប់។
ប្រតិបត្តិការឃាត់ខ្លួនជនសង្ស័យទាំង ០៦នាក់នេះ ធ្វើឡើងក្រោយមានការចង្អុលបង្ហាញពី លោក នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ, លោក ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ។
លោកវរសេនីយ៍ឯក យិន សាន អធិការ នៃអធិការដ្ឋាននគរបាលខណ្ឌចំការមន បានឲ្យដឹងទៀតថា ជនសង្ស័យដែលកម្លាំងជំនាញ និងប៉ុស្តិ៍របស់លោកបង្ក្រាបបានមានឈ្មោះដូចខាងក្រោម៖ ១.ឈ្មោះ ចន្ថា វិច្ឆិកា ភេទប្រុស ជាតិខ្មែរ មុខរបរគ្មាន ២.ឈ្មោះ សើរ ចាន់ដារ៉ា ភេទប្រុស ជាតិខ្មែរ មុខរបរគ្មាន។ ៣.ឈ្មោះ សើរ ចាន់កក្កដា ភេទប្រុស ជាតិខ្មែរ មុខរបរគ្មាន។ ៤.ឈ្មោះ ទូច ឃួន ភេទប្រុស ជាតិខ្មែរ មុខរបរគ្មាន។ ៥.ឈ្មោះ សុខា វិរៈបុត្រ ភេទប្រុស ជាតិខ្មែរ មុខរបរអ្នកចាក់សាក់។ ៦.ឈ្មោះ នង រតនា ភេទប្រុស ជាតិខ្មែរ មុខរបរគ្មាន។ ដកហូតវត្ថុតាងរួមមាន : ១.ម៉ូតូ ០១គ្រឿង ម៉ាកហុងដាសេ១២៥ ពណ៌ខ្មៅ សេរី២០២០ ពាក់ផ្លាកលេខ កណ្តាល1AH-9763 (របស់ជនរគ្រោះ ) ។ ២.ម៉ូតូ ០១គ្រឿង ម៉ាកហុងដាសេ១២៥ ពណ៌ខ្មៅ ពាក់ផ្លាកលេខ កំពង់ចាម1D-9549 ។ ៣.ម៉ូតូ ០១គ្រឿង ម៉ាកហុងដាសេ១២៥ ពណ៌ខ្មៅ ពាក់ផ្លាកលេខ កំពង់ចាម1T-1445 ។ ៤.ម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅអ៊ុតស្កុតពណ៌ស ពាក់ផ្លាកលេខ ភ្នំពេញ1HI-5954។
បន្ទាប់ពីបញ្ចប់ការសួរនាំ និងផ្អែកតាមចម្លើយសារភាព កម្លាំងជំនាញ នៃអធិការដ្ឋាននគរបាលខណ្ឌចំការមនបានកសាងសំណុំរឿងដើម្បីបញ្ជូនជនសង្ស័យទាំង០៦នាក់ ទៅកាន់សាលាដំបូងរាជធានីភ្នំពេញ ចាត់ការបន្ដតាមនីតិវិធី៕ ដោយ៖កូឡាប