ភ្នំពេញ ៖សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានប្រកាសដាក់ឲ្យអនុវត្តស្តង់ដារពីរ គឺវិថីលក់ម្ហូបអាហារ និងស្តង់ដារតូបលក់ម្ហូបអាហារ តាមដងផ្លូវកម្ពុជា ជាផ្លូវការ សំដៅចូលរួមជំរុញឲ្យមានសម្បូរបែប នៃម្ហូបអាហារ នឹងត្រូវ ក្រុង ខណ្ឌមួយ ត្រូវមានវិថីម្ហូបអាហារមួយយ៉ាងតិច ស្រុកមួយ ត្រូវមានវិថីម្ហូបអាហារមួយ ដែលតិចដើម្បីបម្រើដល់វិស័យទេសចរណ៍ ដែលមកទស្សនាក្នុងទីក្រុង ប្រកបដោយភាពពេញចិត្ត និងបទពិសោធន៍ល្អប្លែកៗ ស្របតាមយុទ្ធនាការផ្សព្វផ្សាយ កម្ពុជា៖ព្រះរាជាណាចក្រអច្ឆរិយៈ៖ផ្ដល់ភាពកក់ក្កៅ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានកិត្តិយសនៃគណៈកម្មាធិការជាតិវាយតម្លៃទីក្រុងស្អាត បានចេញសារលិខិតអបអរសាទរទិវាជាតិទីក្រុងស្អាត ក្រោមប្រធានបទ ទីក្រុងស្អាត៖ ទីក្រុងដែលមានវិថីម្ហូបអាហារស្អាត ដែលនឹងប្រារព្ធធ្វើឡើងនាថ្ងៃទី២៧ ខែកុម្ភៈ ឆ្នាំ២០២០ ខាងមុខ។
ឆ្លៀតក្នុងកាសនេះ ក្នុងនាមរាជរដ្ឋាភិបាល សម្ដេចតេជោហ៊ុន សែន សូមឲ្យស្ថាប័នពាក់ព័ន្ធរដ្ឋបាលថ្នាក់ក្រោមជាតិ បន្តខិតខំរួមចំណែកលើកកម្ពស់ប្រពៃណី វប្បធម៌ និងបេតិកភណ្ឌម្ហូបអាហាររបស់ខ្លួន សំដៅចូលរួមជំរុញឲ្យមានសម្បូរបែប នៃម្ហូបអាហារ នឹងត្រូវក្រុង ខណ្ឌមួយ ត្រូវមានវិថីម្ហូបអាហារមួយយ៉ាងតិច ស្រុកមួយ ត្រូវមានវិថីម្ហូបអាហារមួយ ដែលតិចដើម្បីបម្រើដល់វិស័យទេសចរណ៍ ដែលមកទស្សនាក្នុងទីក្រុង ប្រកបដោយភាពពេញចិត្ត និងបទពិសោធន៍ល្អប្លែកៗ ស្របតាមយុទ្ធនាការផ្សព្វផ្សាយ កម្ពុជា៖ព្រះរាជាណាចក្រអច្ឆរិយៈ៖ផ្ដល់ភាពកក់ក្កៅ។
សម្តេចតេជោ បានថ្លែងបន្តថា ខ្ញុំសូមប្រកាសដាក់ឲ្យអនុវត្តស្តង់ដារពីរ គឺវិថីលក់ម្ហូបអាហារ និងស្តង់ដារតូបលក់ម្ហូបអាហារ តាមដងផ្លូវកម្ពុជា ជាផ្លូវការ។
ក្នុងឱកាសពិធីអបអរសាទរទិវាជាតិទីក្រុងស្អាតឆ្នាំ 2020 នេះសម្ដេចតេជោហ៊ុន សែន បានប្រកាសស្វាគមន៍ភ្ញៀវទេសចរអន្តរជាតិ ពីគ្រប់ទិសទីមកទស្សនាកម្សាន្តនូវព្រះជាណាចក្រកម្ពុជា ហើយសូមអំពាវនាវដល់ជនរួមជាតិ ឲ្យចូលរួមគាំទ្រសកម្មភាពទេសចរណ៍ និងចលនាទេសចរណ៍ក្នុងស្រុក ដោយអញ្ជើញធ្វើដំណើរក្សាន្តទេសនាតំបន់ទេសចរណ៍នានា នៅទូទាំងប្រទេស ដើម្បីចូលរួមចំណែកជំរុញការអភិវឌ្ឍវិស័យទេសចរណ៍ ជំំរុញសកម្មភាពទេសចរណ៍ផ្ទៃក្នុងផង និងបង្កើតមសិកានិងស្មារតីស្រឡាញ់ជាតិ មាតុភូមិ សាមគ្គីភាព មិត្តភាព ចំណេះដឹង ចែករំលែកផលប្រយោជន៍ ដោយសមធម៌ជូនប្រជាជននៅមូលដ្ឋាន។
សម្ដេចតេជោ បានថ្លែងថា ឆ្នាំនេះជាឆ្នាំទី 8 ដែលយើងប្រារព្ធធ្វើទិវាជាតិទីក្រុងស្អាត ក្រោមប្រធានបទ ទីក្រុងស្អាត ៖ ទីក្រុងដែលមានវិថីម្ហូបអាហារស្អាត។ តាមរយៈប្រធានបទនេះ គឺឆ្លុះបញ្ចាំងយ៉ាងច្បាស់ថា ពិធីម្ហូបអាហារ គឺជាផលិតផលទេសចរណ៍ដ៏ទាក់ទាញមួយ សម្រាប់ភ្ញៀវទេសចរជាតិ និងអន្តរជាតិ ដែលអាចផ្ដល់នូវបទពិសោធន៍ និងការចងចាំសម្រាប់ភ្ញៀវទេសចរ ដែលជាទូទៅភ្ញៀវទេសចរតែងប្រាថ្នា ចង់ដើរកម្សាន្ត និងទទួលទានម្ហូបអាហារ ដែលប្រកបដោយអនាម័យ និងជឿទុកចិត្ត ខណៈដែលវិថីម្ហូបអាហារ ក៏ជាផ្នែកមួយនៃទេសចរណ៍ម្ហូបអាហារ ដែលផ្សារភ្ជាប់ការអភិវឌ្ឍសេដ្ឋកិច្ចមូលដ្ឋាន ទៅនឹងជីវភាពប្រជាជន វប្បធម៌ និងទំនៀមទម្លាប់ ព្រមទាំងជួយជំរុញអាជីវកម្មខ្នាតតូច បែបគ្រួសារ ឱ្យរីកលូតលាស់បានយ៉ាងមានប្រសិទ្ធភាព។
ជាការពិត វិស័យទេសចរណ៍និងម្ហូបអាហារ មានទំនាក់ទំនងជាសារវ័ន្តពីរ គឺម្ហូបអាហារជាផលិតផលទេសចរណ៍ ឬសេវាកម្មទេសចរណ៍ និងម្ហូបអាហារ ជាចំណែកទីផ្សារទេសចរណ៍ដ៏ទាក់ទាញ។ ម្ហូបអាហារជាទូតនាំសារអំពីវប្បធម៌ អត្តសញ្ញាណ ការរស់នៅក្នុងតំបន់ទៅភ្ញៀវទេសចរជាតិ និងអន្តរជាតិ និងបានបង្កើតភាពចងចាំ ដល់ទេសចរណ៍អំពីគោលដៅ ដែលបានទស្សនា។ ត្រង់ចំណុចនេះ យើងចាំបាច់ត្រូវកែច្នៃ ចងក្រងខ្លឹមសារ បកស្រាយបង្ហាញ និងលើកគុណតម្លៃអំពីម្ហូបអាហារ ដែលសម្បត្តិបេតិកភណ្ឌវប្បធម៌ទាំងនេះ បម្រើឲ្យសេវាកម្មទេសចរណ៍ផង និងចូលរួមលើកកម្ពស់ជីវភាព រស់នៅរបស់ប្រជាពលរដ្ឋមូលដ្ឋានផង ពីព្រោះចំណាយជាមធ្យមមានភ្ញៀវទេសចរ គឺមានប្រមាណ 25 ភាគរយ លើចំណីអាហារដែលនេះ គឺជាការផ្ដល់ផលប្រយោជន៍សេដ្ឋកិច្ចយ៉ាងច្រើន។ ការបង្កើតថ្មីម្ហូបអាហារក៏រួមចំណែក បង្កើតអត្តសញ្ញាណនៅតាមគោលដៅទេសចរណ៍ ដែលគាំទ្រដល់ការផ្សព្វផ្សាយទេសចរណ៍។ អ្នកធ្វើដំណើរម្ហូបអាហារទាំងនេះ ភាគច្រើនជាទេសចរក្នុងស្រុក ឬទេសចរអន្តរជាតិ ដែលធ្វើដំណើរច្រើនគោលដៅក្នុងប្រទេសមួយ ដើម្បីភ្លក្សរសជាតិម្ហូបអាហារ ដែលជាការរួមចំណែកយ៉ាងខ្លាំង ជំរុញចលនាទេសចរណ៍ផ្ទៃក្នុង និងក៏ដូចជាចលនាទេសចរណ៍ក្នុងស្រុកផងដែរ។ ក្នុងន័យនេះការរៀបចំវិថីឱ្យមានម្ហូបអាហារ នៅតាមទីក្រុងដើរតួនាទីយ៉ាងសំខាន់ ក្នុងការអភិវឌ្ឍសេដ្ឋកិច្ចទីក្រុង និងទេសចរណ៍ទីក្រុង ដែលចាំបាច់គ្រប់គ្រងខណ្ឌទាំងអស់ ស្រុកទាំងអស់ ត្រូវតែមានវិថីម្ហូបអាហារមួយយ៉ាងតិច ដូចប្រធានបទទីក្រុងស្អាត ៖ ទីក្រុងមានវិថីម្ហូបអាហារស្អាត។
សម្ដេចតេជោ បានលើកឡើងថា ខ្ញុំមានជំនឿជឿជាក់ថា ការរៀបចំឲ្យមានវិថីម្ហូបអាហារ នៅតាមរាជធានី ខេត្ត មិនត្រឹមតែចូលរួមទាក់ទាញទេសចរជាតិ អន្តរជាតិ លើកកម្ពស់ជីវភាពប្រជាពលរដ្ឋ និងលើកតម្កើងប្រពៃណីបេតិកភណ្ឌជាតិប៉ុណ្ណោះទេ ថែមទាំងចូលរួមបង្កើតការងារបន្ថែម ជំរុញសហគ្រិនភាព ការបង្កើតថ្មី និងភាពច្នៃប្រឌិតផងដែរ។ ច្បាស់ណាស់ថា ជាជីវៈផ្នែកម្ហូបអាហារទាមទារទាំងឆន្ទៈ ចំណេះដឹងជំនាញឥរិយាបទខ្ពស់ សិល្បៈ និងគំនិតច្នៃប្រឌិត ដែលមិនអាចខ្វះបាន។ ការអភិវឌ្ឍវិស័យទេសចរណ៍ម្ហូបអាហារ ពិតជានាំមកនូវការរីកចម្រើន ផ្នែកអាជីពក្នុងវិស័យទេសចរណ៍ ជាពិសេសចូលរួមទប់ស្កាត់ការចំណាកស្រុក និងបង្កើនស្មារតីស្រឡាញ់ជាតិមាតុភូមិ៕ដោយ៖កូឡាប
ខាងក្រោមនេះជាសារលិខិតរបស់សម្ដេចតេជោ ហ៊ុន សែន៖