ខេត្តតាកែវ ៖ ស្នងការដ្ឋាននគរបាលខេត្តតាកែវ បានឲ្យដឹងថា នៅថ្ងៃសៅរ៍ ទី២២ ខែកុម្ភៈ ឆ្នាំ២០២០ វេលាម៉ោង២៤ មាន០១ករណីឃាតកម្ម ០១ករណី កើតឡើងនៅចំណុចផ្លូវខេត្តលេខ១៣៤ ស្ថិតក្នុងភូមិអង្គត្រាវ ឃុំត្រពាំងធំខាងជើង ស្រុកត្រាំកកក់ បង្កឡើងដោយជនសង្ស័យ០១ក្រុមមិនស្គាល់អត្តសញ្ញាណ ជិះម៉ូតូដេញវាយទៅលើទៅលើជនរងគ្រោះចំនួន០២នាក់ ស្លាប់ម្នាក់ និងរបួសម្នាក់។
នគរបាលខេត្តតាកែវ បានឲ្យដឹងថា ជនរងគ្រោះមាន ទី១ ឈ្មោះ ឌឿន ម៉ៅ ភេទប្រុស អាយុ១៩ឆ្នាំ រស់នៅភូមិពាក់បង្អោង ឃុំត្រពាំងធំខាងជើង ស្រុកត្រាំកក់ បណ្តាលឱ្យដួលម៉ូតូស្លាប់នៅនឹងកន្លែងកើតហេតុ និងទី២ ឈ្មោះ ណុប ប៊ុនធី ភេទប្រុស អាយុ១៥ឆ្នាំ រងរបួសធ្ងន់ ។ បច្ចុប្បន្នកម្លាំងជំនាញកំពុងកសាងសំណុំរឿង និងបន្តស្រាវជ្រាវស្វែងរកចាប់ខ្លួនជនបង្ក យកមកផ្តន្ទាទោសតាមច្បាប់ ៕ ដោយ៖កូឡាប
