ខេត្តព្រះសីហនុ៖ នៅមុននេះបន្តិច លោកឧកញ៉ា ទៀ វិចិត្រ អគ្គនាយកក្រុមហ៊ុន ជី.ធី.វី.ស៊ី, ស្ពីដបូតកម្ពុជា (G.T.V.C, SPEED BOAT CAMBODIA) បានឲ្យដឹងថា នៅវេលាម៉ោង ១២ និង៣៤នាទីរសៀល ថ្ងៃទី២៤ ខែកុម្ភៈ ឆ្នាំ២០២០នេះ ក្រុមការងារ របស់លោក បានប្រើប្រាស់អូប័រល្បឿនលឿន ល្បាតនៅលើលម្ហសមុទ្រ ដោយបានរកឃើញសាកសពកម្មករម្នាក់ (ចំណោម២នាក់) ដែលលិចទូកនៅជិតកោះថាស កាលពីថ្ថៃទី២២ ខែកុម្ភៈ ហើយបាត់ខ្លួន នៅលើផ្ទៃសមុទ្រ ខេត្តព្រះសីហនុ។
សាកសពជនរងគ្រោះ ត្រូវបានបុគ្គលិកក្រុមហ៊ុន ជី.ធី.វ.ស៊ី ប្រទះឃើញអណ្តែតទឹកសមុទ្រ នៅចំណុចពយភ្លើងស៊ីញ៉ូ ខាងក្រោយកោះរ៉ុងសន្លឹម ក្រុងកោះរ៉ុង ខេត្តព្រះសីហនុ៕ ដោយ៖ ដែន សីមា