កូនប្រុសតិរិច្ឆានម្នាក់ ត្រូវបានសមត្ថកិច្ចចាប់វាយខ្នោះ ក្រោយប្រើហឹង្សាលើឪពុកម្តាយបង្កើតខ្លួនឯង ព្រោះតែខឹងសុំទូរស័ព្ទយកទៅលក់ តែឪពុកម្តាយមិនឱ្យ។
ហេតុការណ៍បង្កការភ្ញាក់ផ្អើលនេះ បានកើតឡើងកាលពីវេលាម៉ោងប្រមាណ ១០ យប់ថ្ងៃទី២៣ ខែកុម្ភៈ ឆ្នាំ២០២០ ស្ថិតនៅក្នុងភូមិចំការចេកខាងជើង សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។
សមត្ថកិច្ចបានបញ្ជាក់ប្រាប់ឲ្យដឹងថា ជនបង្កជាកូនប្រុសនោះមានឈ្មោះ គា ជីវ័ន្ត (ហៅទី) ភេទប្រុស អាយុ២១ឆ្នាំ រស់នៅភូមិឃុំកើតហេតុខាងលើ បានប្រព្រឹត្ត សកម្មភាព វាយបំផ្លិចបំផ្លាញសម្ភារៈ និងប្រើអំពើហឹង្សាដេញកាប់មកលើឪពុកទាំងកម្រោល ប៉ុន្តែ ពុំបណ្តាលឲ្យរងរបួសនោះទេ។ ហើយមូលហេតុដែលកើតមានករណីហឹង្សាខាងលើ គឺដោយសារតែជនបង្ក បានទារទូរស័ព្ទពីឪពុក ម្តាយយកទៅលក់ដើម្បីយកលុយទៅប្រើប្រាស់គ្រឿងញៀន តែឪពុកពុកម្តាយមិនឱ្យ។
បច្ចុប្បន្នជនសង្ស័យបានឃាត់ខ្លួន នៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធី៕ ដោយ៖ លឹម ហុង
