បន្ទាយមានជ័យ៖ ចំណីមាត់ស្ទឹងបត់ត្រង់ មានអ្នកលួចចាក់ដីយកធ្វើជាកម្មសិទ្ធិមិនតិចជាង១០កន្លែង ហើយមន្ត្រីជំនាញថាចុះហាមឃាត់ហើយ ស្ថិតក្នុងឃុំបត់ត្រង់ ស្រុកមង្គលបូរី។
ជាក់ស្តែងនៅថ្ងៃទី២៤ ខែកុម្ភៈ ឆ្នាំ២០២០ នៅពេលធ្វើដំណើរតាមដងផ្លូវស្របមាត់ស្ទឹងក្រឡេកមើលខាងស្តាំដៃទៅមាត់ស្ទឹងឃើញមានបុគ្គលមួយចំនួនកំពុងចាក់ដីរំលោភយកដីមាត់ស្ទឹងធ្វើជាកម្មសិទ្ធិដែលកំពុងចាក់នៅចំណុចខាងត្បូងក្បាលស្ពានឆ្លងស្ទឹងបត់ត្រង់ប្រមាណ១០០ម៉ែត្រ និងខាងលិចផ្លូវជាប់មាត់ស្ទឹងនិងមានមិនជាង១០កន្លែង ទាំងចាស់និងថ្មីដែលកំពុងចាក់លុបមាត់ស្ទឹងយកធ្វើកម្មសិទ្ធិ។
គួររំលឹកថា៖ក្រោយពេលកសាងផ្លូវស្របមាត់ស្ទឹងពីឃុំបត់ត្រង់ តភ្ជាប់ទៅឃុំរហាត់ទឹកស្ថិតក្នុងស្រុកមង្គលបូរី ឃើញមានបុគ្គលមួយចំនួនបានចាក់ដីរំលោភមាត់ស្ទឹងយកធ្វើជាកម្មសិទ្ធិមិនតិចជាង១០កន្លែងដែលភាគច្រើនអ្នកដែលមានក្បាលដីម្ខាងផ្លូវខាងកើតផ្លូវហើយមកចាក់ដីលុបមាត់ស្ទឹងផ្នែកខាងលិចផ្លូវដែលបណ្តាលប៉ះពាល់ចំណីមាត់ស្ទឹងនិងប្រព័ន្ធធារាសាស្ត្រ ដែលបណ្តាលឲ្យស្ទឹងកាន់តែរួមតូច ដងស្ទឹងស្ទើរតែក្លាយជាអូររឺប្រឡាយទៅហើយ នេះបើសិនជាមន្ត្រីជំនាញនិងអាជ្ញាធរមិនយកចិត្តទុកដាក់ជាពិសេសលោកមេឃុំបត់ត្រង់តែម្តងទំនងលោកជិះរថយន្តឆ្លងកាត់មិនបានមើលអើតមើលតែផ្លូវ។
ទាក់ទិនដែលចាក់សុបមាត់ស្ទឹងរំលោភយកធ្វើជាកម្មសិទ្ធនៅក្នុងឃុំបត់ត្រង់ ស្រុកមង្គលបូរី លោក យឹម ប៊ុនរុំ ប្រធានមន្ទីធនធានទឹកនឹងឧតុនិយម ខេត្តបន្ទាយមានជ័យ បានឲ្យដឹងថានៅល្ងាចថ្ងៃទី២៤ ខែកុម្ភៈ ឆ្នាំ២០២០នេះថា លោកបានដឹង បានចុះទៅហាមឃាត់ណែនាំអោយបញ្ឈប់ដែរកាលពីម្សិលមិញនេះ ហើយបានប្រាប់លោកមេឃុំបត់ត្រង់អោយជួយពិនិត្យបើឃើញត្រូវហាមឃាត់មិនអោយបន្តចាក់លុបមាត់ស្ទឹងទៀតឡើយ។
លោកបានបញ្ជាក់ថា៖ក្រោយទទួលព័ត៌មានបានដឹងនៅល្ងាចថ្ងៃទី២៤ ខែកុម្ភៈ ឆ្នាំ២០២០នេះមាននៅបន្តលួចចាក់លោកចុះទៅពិនិត្យមើលបើឃើញនិងមានវិធានការតាមច្បាប់ព្រោះចាក់ដីលុបចំណីមាត់ស្ទឹងជាអំពើល្មើសនិងច្បាប់៕ ប្រភព៖ phnompenhtimes