ខេត្តព្រះសីហនុ៖ អ្នកនាំពាក្យសាលាខេត្តព្រះសីហនុ លោក ឃាង ភារម្យ បានឲ្យដឹងថា នៅព្រលប់ថ្ងៃពុធ ទី២៦ ខែកុម្ភៈ ឆ្នាំ២០២០ស្អែកនេះ វេលាម៉ោង ៧-៨យប់ នាវា Ms Westerdam នឹងធ្វើដំណើរចាកចេញពីផែក្រុងព្រះសីហនុ ឆ្ពោះទៅកាន់កំពង់ផែ ប្រទេសហ្វីលីពីន (Manila Philippine)។
នាវាខ្នាតយក្ស Ms Westerdam បានដឹកភ្ញៀវបរទេសចម្រុះជាតិសាសន៍ជាង ២ពាន់នាក់ ចូលចតនៅពង់ផែក្រុងព្រះសីហនុ កាលពីព្រឹកថ្ងៃទី១៣ ខែកុម្ភៈ ឆ្នាំ២០២០ បន្ទាប់ពីមានប្រទេស និងកោះចំនួន ៦ បានបដិសេធមិនឲ្យចូលចត ដោយបារម្ភខ្លាចឆ្លងវីរុសកូរ៉ូណា។
ផ្តើមពីបញ្ហានេះ ទើប សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចេញមុខជួយអន្តរាគមន៍ឲ្យចូលចតនៅកំពង់ផែក្រុងព្រះសីហនុ៕ដោយ៖ដែនសីមា
