ភ្នំពេញ៖ ក្រុមប្រឹក្សាជាតិប្រឆាំងអំពើពុករលួយ បានចេញសេចក្តីជូនដំណឹង ពីកិច្ចប្រជុំលើកទី 55 អាណត្តិទី 2 កាលពីរសៀលថ្ងៃទី 25 ខែកុម្ភៈឆ្នាំ 2020 ។
នៅក្នុងកិច្ចប្រជុំនោះលោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ បានរាយការណ៍អំពីសកម្មភាពការងារ របស់អង្គភាពប្រឆាំងអំពើពុករលួយ ក្នុងអំឡុងខែកុម្ភៈ ឆ្នាំ 2020 ដែលរួមមានអង្គភាពបានទទួលការ ប្រកាសទ្រព្យសម្បត្តិនិងបំណុល តាមរបប 2 ឆ្នាំ ឆ្នាំ 2020 គឺបានបញ្ចប់ដោយជោគជ័យ ហើយបានទទួលការប្រកាសទ្រព្យសម្បត្តិ និងបំណុលក្រុងខែកុម្ភៈឆ្នាំ 2020 គឺមូលហេតុការតែងតាំងថ្មីៗ ៣២៧នាក់ លាឈប់ពីការងារ ចប់អាណត្តិ ត្រូវបញ្ឈប់ពីការងារ ចំនួន 73 នាក់ នឹងចូលនិវត្តន៍ 120 នាក់។
លោកទេសរដ្ឋមន្ត្រី ក៏បានបញ្ជាក់បន្ថែមថា “ក្នុងខែកុម្ភៈអង្គភាព ទទួលបានពាក្យបណ្ដឹងចំនួន 47 ពាក្យប្តឹង”។
នៅក្នុងឱកាសនោះដែរ លោកតុប សំ ប្រធានក្រុមប្រឹក្សាជាតិប្រឆាំងអំពើពុករលួយ នៅតែបង្ហាញជំហរ ស្ថិតនៅជាមួយអង្គភាពប្រឆាំងអំពើពុករលួយ គាំទ្រអង្គភាពប្រឆាំងអំពើពុករលួយ នឹងរួមគ្នាទទួលខុសត្រូវជាមួយអង្គភាពប្រឆាំងអំពើពុករលួយ ក្នុងការប្រយុទ្ធប្រឆាំងអំពើពុករលួយ៕ ដោយ៖កូឡាប