ភ្នំពេញ៖ លោកមុត ចន្ថា នាយខុទ្ទាល័យ លោកកឹម សុខា បានថ្លែងថា លោកប្រធានកឹម សុខា បន្តចូលរួមការពារផលប្រយោជន៍និងកិត្តិយសជាតិ។
លោកបានថ្លែងសាលើហ្វេសប៊ុក នៅថ្ងៃទី២៥កុម្ភៈនេះថា គណៈប្រតិភូនៃក្រសួងការបរទេសន័រវេស (Norway) ដឹកនាំដោយលោកស្រីMarianne Hagen រដ្ឋលេខាធិការ(អនុរដ្ឋមន្ត្រី)ក្រសួងការបរទេសនៃរាជាណាចក្រន័រវេស បានចូលជួបសួរសុខទុក្ខ និងសម្តែងការគួរសមជាមួយលោកប្រធាន កឹម សុខា នៅព្រឹកថ្ងៃអង្គារ ទី២៥ ខែកុម្ភៈ ឆ្នាំ២០២០ នៅគេហដ្ឋានរបស់លោក។
ទោះស្ថិតក្នុងកាលៈទេសៈណាក៏ដោយ លោកប្រធាន កឹម សុខា បន្តចូលរួមថែរក្សានិងការពារផលប្រយោជន៍ និងកិត្តិយសជាតិ និងប្រជាពលរដ្ឋខ្មែរ។
លោកប្រធាន កឹម សុខា មានប្រសាសន៍បញ្ជាក់ថា ៖ «ទំនាក់ទំនងអន្តរជាតិ ដើម្បីជាតិខ្ញុំ គឺដើម្បីផលប្រយោជន៍ប្រទេសកម្ពុជា និងប្រជាពលរដ្ឋខ្មែរ»៕ ដោយ៖កូឡាប