យោងតាមទំព័រហ្វេសប៊ុក «Meng Costa page បំណងល្អពីខ្ញុំ» បានបង្ហោះវីដេអូ និងប្រាប់ឲ្យដឹងថា៖ «ដំណឹងបឋមបន្ទាន់ ពាក់កណ្តាលយប់មិញ នៅតំបន់០៤១ ពលករខ្មែរមានអាការះរោគសញ្ញាកូរ៉ូណា ត្រូវបានក្រុមពេទ្យសង្គ្រោះដឹកយកពិនិត្យ នឹង សង្គ្រោះបន្ទាន់ ។ សូមរង់ចាំពត៌មានលំអិត ខ្ញុំនឹងជម្រាបជូន» ។
ទោះយ៉ាងណា បន្ទាប់មកប្រភពដដែលក៏បានបញ្ជាក់ឲ្យដឹងថា៖ «សូមជម្រាបជូនលំអិត ពលករខ្មែរដែលសង្ស័យមានអាការ:កូរ៉ូណាកាលពីពាក់កណ្តាលយប់មិញ នៅតំបន់០៤១ បានពិនិត្យរួចហេីយ លទ្ធផលកូរ៉ូណាបញ្ជាក់គឺអវិជ្ជមាន ពិតជាធូរទ្រូងមែន។ គាត់បានចេញពីពេទ្យ នឹងត្រឡប់មកផ្ទះវិញហេីយ ។ សូមប្រយ័ត្នប្រយែងបងប្អូនទាំងអស់គ្នា» ។
គួរបញ្ជាក់ផងដែរថា មកទល់ពេលនេះ កូរ៉េខាងត្បូងបានរកឃើញអ្នកឆ្លងជំងឺផ្លូវដង្ហើមបង្កឡើងដោយកូរ៉ូណាវីរុស (COVID-19) ចំនួន ៦០ ករណីថ្មី គិតត្រឹមថ្ងៃទី ២៥ ខែកុម្ភៈ ឆ្នាំ២០២០ ៕ ដោយ៖ លឹម ហុង