ឧស្សាហកម្មកម្សាន្តម៉ាឡេស៊ី គឺជាវិស័យមួយដែលកំពុងមានការរីកលូតលាស់យ៉ាងខ្លាំងនាពេលបច្ចុប្បន្ននេះ ហើយយើងក៏អាចមើលឃើញផ្នែកនេះជាមួយនឹងការលេចចេញនូវខ្សែភាពយន្តដែលមានគុណភាពល្អពិតៗ ដែលជាក់ស្តែងដូចជារឿង៖ The Ghost Bride នៅលើទូរទស្សន៍ Netflix និងខ្សែភាពយន្ត MV របស់ Yuna មួយចំនួនផងដែរ។
ពិតមែនហើយ មនុស្សគ្រប់គ្នាកំពុងព្យាយាមបង្កើតគំនិតថ្មីៗ និងអ្វីៗដែលមានគុណភាពល្អ។ តែទោះយ៉ាងណា តារាប្រុស Andi Bernadee ពេលនេះកំពុងតែរងនូវការខឹងសម្បារជាខ្លាំង ចំពោះការចាក់ចេញនូវវីដេអូចម្រៀងដែលមើលទៅគួរអោយចាប់អារម្មណ៍ ជាមួយការសម្តែងដើរតួជាបិសាចជញ្ជក់ឈាមលើស្ត្រីជាច្រើន។
ជាក់ស្តែង វីដេអូចម្រៀងចាប់ផ្តើមដោយបរិមាណឈាមក្លែងក្លាយយ៉ាងច្រើន ហើយតួសំខាន់របស់លោក Andi Bernadee មើលទៅស្លេកខុសពីធម្មជាតិ។ លោកបានដើរជុំវិញគ្រប់ច្រកល្ហកឌឿហែម ដើម្បីចាប់ស្រីស្អាតធ្វើដំណើរមិនប្រយ័ត្ន និងបន្ទាប់មក ខាំកញ្ចឹងកផឹកឈាមពួកនាងតែម្តង ។ បន្ទាប់មក លោកបានបន្តទៅរកជនរងគ្រោះដទៃ ខណៈដែលទុកស្ត្រីរងគ្រោះឲ្យហូរឈាមរហូតស្លាប់ ។
ចាប់តាំងពី MV នេះត្រូវបានចេញផ្សាយ មនុស្សជាច្រើនមានប្រតិកម្មចម្រុះចំពោះឈុតឆាកដ៏សាហាវនេះ ហើយពួកគេបានបញ្ចេញមតិរបស់ពួកគេផ្សេងៗគ្នា ដែលក្នុងនោះ អ្នកខ្លះបាននិយាយថា៖ «MV របស់ Andi គឺគួរឱ្យស្អប់ខ្ពើម អាសអាភាស និងហួសហេតុពេក។»
ពួកគេក៏បាននិយាយផងដែរថា តាមរយៈការខាំកញ្ចឹងករបស់ស្ត្រី វាធ្វើឱ្យសេចក្តីថ្លៃថ្នូររបស់ពួកគេធ្លាក់ចុះ ហើយធ្វើឱ្យពួកគេអាម៉ាស់ក្នុងនាមជាប្រជាជនម៉ូស្លីម ៕
ប្រែសម្រួលដោយ៖ លឹម ហុង (ប្រភព៖ worldofbuzz)
