អាជ្ញាធរកូរ៉េខាងត្បូងបញ្ជាក់នៅថ្ងៃពុធនេះថា មានអ្នកឆ្លងវីរុស COVID-19 ថ្មីចំនួន ១៦៩នាក់ បណ្តាលឲ្យតួលេខនៃអ្នកឆ្លងសរុបទូទាំងប្រទេសកើនដល់ ១.១៤៦នាក់។
ជាមួយគ្នានេះដែរ មានអ្នកឆ្លាប់ដោយសារវីរុសដ៏សាហាវនេះ ចំនួន ១១នាក់។ អ្នកស្លាប់ទី ១១ដោយសារវីរុសនេះជាជនជាតិម៉ុងហ្គោល វ័យជាង ៣០ឆ្នាំ។ នេះជាការបញ្ជាក់របស់មជ្ឈមណ្ឌលកូរ៉េសម្រាប់គ្រប់គ្រង និងការពារជំងឺ។
សូមបញ្ជាក់ថា ក្នុងរយៈពេលប៉ុន្មានថ្ងៃចុងក្រោយនេះ ការឆ្លងរីករាលដាលនៃវីរុសផ្លូវដង្ហើមថ្មី យ៉ាងខ្លាំងនៅក្នុងប្រទេសកូរ៉េខាងត្បូង ដែលធ្វើឲ្យប្រទេសនេះមានអ្នកឆ្លង និងស្លាប់ច្រើនបំផុត បន្ទាប់ពីចិន។
រហូតមកដល់ថ្ងៃពុធនេះ មានអ្នកស្លាប់សរុបចំនួន ២.៧៦០នាក់ ឆ្លង ៨០.៩៩៤នាក់ និងជាសះស្បើយ ៣០.០០០នាក់ទូទាំងពិភពលោក៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
