ប្រទេសចិន នៅថ្ងៃពុធនេះ បានឲ្យដឹងថា មានអ្នកស្លាប់ដោយសារវីរុសកូរ៉ូណាចំនួន ៥២នាក់ ដែលវាគឺជាតួលេខទាបបំផុតក្នុងរយៈពេល ៣សប្តាហ៍ចុងក្រោយ ធ្វើឲ្យតួលេខនៃអ្នកស្លាប់សរុបកើនដល់ចំនួន ២.៧១៥នាក់។
អ្នកស្លាប់ចុងក្រោយទាំងអស់ គឺស្ថិតនៅក្នុងខេត្ត ហូបេ កន្លែងដែលវីរុសមរណៈនេះបានផ្ទុះឡើង។
ចំណែកអ្នកឆ្លងវិញ មានត្រឹមតែ ៤០៦ករណីប៉ុណ្ណោះនៅថ្ងៃពុធនេះ។ នេះបើតាមរបាយការណ៍របស់ គណៈកម្មាការសុខភាពជាតិ។
កូរ៉េខាងត្បូង ជាប្រទេសទី ២បន្ទាប់ពីចិន ដែលមានអ្នកស្លាប់ និងឆ្លងច្រើនបំផុត (ស្លាប់ ១១នាក់ ឆ្លង ១.១៤៦ករណី) ខណៈនៅអ៊ីតាលីវិញ មានអ្នកស្លាប់ចំនួន ១០នាក់ និងឆ្លងច្រើនជាង ៣០០ករណី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
