ប៉ូលីសស្រុក Talingchan នៅក្នុងប្រទេសថៃ កាលពីថ្ងៃទី២១ ខែកុម្ភៈ ឆ្នាំ២០២០ បានចាប់ខ្លួនបុរសអាយុ ៤១ ឆ្នាំម្នាក់ និងបានចោទប្រកាន់ពីបទដាំកញ្ឆាខុសច្បាប់នៅក្នុងផ្ទះរបស់ខ្លួន។
ដោយមានដីកាឆែកឆេរ ប៉ូលីសបានរកឃើញរុក្ខជាតិកញ្ឆាចំនួន ១២ ដើម នៅក្នុងបន្ទប់គេងរបស់លោក Nattapon Tanasotorn ដែលបានអះអាងថា គាត់មានបញ្ហាក្នុងការគេង ហើយបានប្រើកញ្ឆាដើម្បីកាត់បន្ថយបញ្ហា។
Nattapon បាននិយាយថា ខ្លួនបានចាប់ផ្តើមប្រើប្រាស់កញ្ឆាកាលពីប៉ុន្មានខែមុន បន្ទាប់ពីបានពិគ្រោះយោបល់ជាមួយសមាជិកនៃផេកហ្វេសប៊ុកមួយ។ គាត់ត្រូវបានតាមដានដោយសមាជិកហ្វេសប៊ុកជាង ៣០,០០០ នាក់៕
ប្រែសម្រួលដោយ៖ លឹម ហុង (ប្រភព៖ thairesidents)
