ភ្នំពេញ៖ក្រុមសមត្ថកិច្ចប៉ូលិសបានរាយការណ៍ឲ្យដឹងថា ដោយកាលពីថ្ងៃទី២៦ ខែកុម្ភៈ ឆ្នាំ២០២០នេះ កម្លាំងសមត្ថកិច្ចប៉ូលិស នៃអធិការដ្ឋានខណ្ឌបឹងកេងកងបានចុះសហការជាមួយកម្លាំងនាយកដ្ឋានព្រហ្មទណ្ឌ នៃក្រសួងមហាផ្ទៃ ដោយចុះធ្វើការឃាត់ខ្លួនជនសង្ស័យប្រុស ស្រីចំនួន៣នាក់ ពីបទ ចាប់ជំរិតតាមប្រព័ន្ធអ៊ីនធឺណិត នៅបន្ទប់លេខ២០៤ ផ្ទះលេខ១៣៤AB ផ្លូវ៣៧៦ ក្រុម៦ ភូមិ5៥ សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ។
ក្រុមសមត្ថកិច្ចប៉ូលិសបានឲ្យដឹងថា ជនសង្ស័យទី១ ឈ្មោះ Frank Ikenna Otujieme ភេទប្រុស អាយុ៣០ឆ្នាំ ជនជាតិនីហ្សេរីយ៉ា លិខិតឆ្លងដែនលេខA09220167ជនសង្ស័យទី២ឈ្មោះ Trannam Phong ភេទប្រុស អាយុ៣៩ឆ្នាំ ជនជាតិវៀតណាម លិខិតឆ្លងដែនលេខC5799419 និងជនសង្ស័យទី៣ឈ្មោះ Ngo Thi An ភេទស្រី អាយុ២៩ឆ្នាំ ជនជាតិវៀតណាម លិខិតឆ្លងដែនC4786955ចំពោះវត្ថុតាងចាប់យករួមមាន៖ ទូរស័ព្ទចំនួន៤គ្រឿង, លិខិតឆ្លងដែនចំនួន២ក្បាល (វៀតណាម, នីហ្សេរីយ៉ា), អត្ដសញ្ញាណប័ណ្ណសញ្ជាតិវៀតណាម១សន្លឹក, ចិញ្ចៀនលោហធាតុពណ៌លឿង៣វង់, នាឡិកាដៃស្រី១, កុំព្យូរទ័រយួរដៃចំនួន២គ្រឿង, វ៉ាលិសខោអាវចំនួន១, កាតធនាគារចំនួន៨សន្លឹក, ស៊ីមកាតមួយចំនួនផងដែរ។
បច្ចុប្បន្នជនសង្ស័យទាំង៣នាក់ខាងលើនេះ ត្រូវបានបញ្ជូនខ្លួនទៅកាន់នាយកដ្ឋានព្រហ្មទណ្ឌនៃ ក្រសួងមហាផ្ទៃ ដើម្បីចាត់ការបន្ដតាមច្បាប់៕ដោយ៖កូឡាប