នេះជាខណៈពេលដ៏ស្លុតរន្ធត់មួយ គ្រាដែលសត្វតោ និងខ្លា បានវាយប្រហារមកលើសេះ១ក្បាល បន្ទាប់ពីសម្តែងជិះវិលជុំបង្កជាកំហុសឆ្គងដ៏ធ្ងន់ធ្ងរមួយ ក្នុងពេលហាត់សម ។
សត្វទាំង៣ក្បាល និងពួកអ្នកបង្វឹករបស់ពួកវា បានកំពុងធ្វើការហាត់សមតាមទម្លាប់ ដើម្បីចូលរួមសម្តែងនៅក្នុងទីក្រុង Cangzhou ខេត្ត Hebei ភាគខាងជើងនៃប្រទេសចិន ។ ប៉ុន្តែ គួរឲ្យសោកស្តាយ ដែលគ្រានោះតោ និងខ្លា បានចងកំហឹងដាក់សេះដ៏គួរឲ្យរន្ធត់បែបនេះ ។
តាមគំរោង នោះតោ និងខ្លា ត្រូវតម្រូវឲ្យឡើងជិះលើខ្នងសេះស និងឱបខ្នងរបស់វាផ្ទាល់ ជំនួសឲ្យការដាក់កាប ។ ប៉ុន្តែ ពួកវាពុំបានសហការគ្នាល្អនោះទេ, អ្នកនាំពាក្យម្នាក់នៃរោងសៀក “Taiyang” ឈ្មោះ Xu និយាយ ។
គាត់បាននិយាយថា៖ «សេះបានធាក់តោ ដែលបានចាប់ផ្តើមខាំវា ជំនួសឲ្យការសម្តែង ។ ហើយហេតុការណ៍វាយប្រហារក៏បានកើតឡើងគួរឲ្យបារម្ភបំផុត ប៉ុន្តែ សំណាង ដែលអ្នកបង្វឹកបានគ្រប់គ្រងកំហឹងរបស់តោ និងខ្លា មួយសន្ទុះ ពុំនោះសោត សត្វសេះនោះនឹងត្រូវងាប់ក្រោមចង្កូមដ៏មុតស្រួចរបស់ពួកវាពុំខាន» ៕ ចន្ទី