តារាចម្រៀងស្រីជួរមុខនៅក្នុងប្រទេសកម្ពុជា អ្នកនាង ឱក សុគន្ធកញ្ញា តែងទទួលបានការគាំទ្រជានិច្ច និងការកោតសរសើរពីសំណាក់ប្រិយមិត្តគ្រប់ស្រទាប់វ័យថា អ្នកនាងនៅតែច្រៀងពិរោះដូចមុន និងស្រស់ស្អាតក្មេងជាងវ័យទៀតផង បើទោះជាអ្នកនាងបានក្លាយជាម្តាយទើបទទួលចំណងដៃអាពាហ៍ពិពាហ៍កូនប្រុសម្នាក់ក៏ដោយ ។
យ៉ាងណាមិញ ថ្មីៗនេះ អ្នកនាងទទួលបានការគាំទ្រពេញចិត្តគ្រប់ៗគ្នាតែម្តង បន្ទាប់ពីបានចេញចម្រៀងថ្មីមួយបទដែលជាចង្វាក់រាំវង់បែបញាក់កន្ត្រាក់អារម្មណ៍ ទុកជាកាដូសម្រាប់បុណ្យចូលឆ្នាំថ្មីប្រពៃណីជាតិខាងមុខគឺបទ៖ «កូនយំល្វើយៗ» ដែលបទនេះប្រហែលអ្នកនាងចង់បញ្ជាក់អត្ថន័យលេងសើចសប្បាយទៅលើ កូនធំជាអ្នកយំឬកូនតូចជាអ្នកយំមើលទៅ? ។
សង្ឃឹថា បទថ្មីរបស់អ្នកនាង ឱក សុគន្ធកញ្ញា នឹងបន្តការគាំទ្រមិនចាញ់បទ «ចាប់យំល្វើយៗ» ដែលច្រៀងដោយលោក ចាន់ មករា ៕ ដោយ៖ លឹម ហុង
