អាជ្ញាធរទេសចរណ៍ថៃ (TAT) សូមប្រកាសថាព្រលានយន្តហោះផ្លូវដែកតភ្ជាប់ និងប្រព័ន្ធដឹកជញ្ជូនតាមរថភ្លើងក្រោមដី MRT នៅទីក្រុងបាងកក បានបង្កើនវិធានការណ៍ត្រួតពិនិត្យទៅលើជំងឺ COVID-19 របស់ពួកគេ។
ព្រលានយន្តហោះផ្លូវដែកដែលតភ្ជាប់ បានបង្កើតចំណុចត្រួតពិនិត្យ នៅច្រកចូលស្ថានីយ៍ទាំង ៨ របស់ខ្លួន។ បន្ថែមលើនីតិវិធីសុវត្ថិភាពធម្មតា បុគ្គលិកសន្តិសុខក៏នឹងត្រួតពិនិត្យសីតុណ្ហភាពរាងកាយរបស់អ្នកដំណើរទាំងអស់ ដោយប្រើទែម៉ូម៉ែត្រយួរដៃ។ ទឹកអាល់កុលសម្អាតដៃ ក៏ត្រូវបានផ្តល់ជូននៅក្នុងតំបន់រួមផងដែរ។
ផ្លូវរថភ្លើងក្រោមដី MRT ក៏បានបង្កើតចំណុចត្រួតពិនិត្យអាការគ្រុនក្តៅខ្លួនរបស់អ្នកដំណើរ ដោយចាប់ផ្តើមពីស្ថានីយ៍សាកល្បងចំនួន ១៩ រួមមាន៖ Silom, Sukhumvit, Phetchaburi, Rama 9, Thailand Cultural Centre, Wat Mangkon, Tha Phra, Lak Song, Tao Poon, Nonthaburi Civic Centre, Ministry of Public Health, Bang Yai និង Khlong Bang Phai ។ ស្ថានីយ៍ទាំងនេះជាធម្មតាបម្រើចរាចរណ៍ខ្ពស់ ៕ ដោយ៖ លឹម ហុង (ប្រភព៖ thairesidents)