បច្ចុប្បន្ន ប្រទេសកូរ៉េខាងត្បូង គឺជាប្រទេសដែលមានចំនួនករណី Covid-19 ខ្ពស់បំផុតក្រៅពីប្រទេសចិន។ គិតមកទល់ពេលនេះ មានការឆ្លងចំនួន ១.៥៩៥ នាក់ ជាមួយនឹងការស្លាប់ចំនួន ១៣ នាក់ ។
សារព័ត៌មាន Yonhap បានរាយការណ៍ឲ្យដឹងថា នេះដោយសារតែប្រទេសនេះបានរាយការណ៍អំពីការឆ្លងជាប្រចាំថ្ងៃ ដែលនៅថ្ងៃនេះ (ថ្ងៃទី២៧ ខែកុម្ភៈ) មានករណីថ្មីចំនួន ៣៣៤ បន្ថែមទៀត ត្រូវបានបញ្ជាក់ក្នុងរយៈពេលពីរបីថ្ងៃមុន ។
ចំនួនករណីថ្មីនេះត្រូវបានគេរំពឹងថា នឹងកើនឡើងនៅប៉ុន្មានថ្ងៃខាងមុខ ខណៈពេលដែលអាជ្ញាធរធ្វើតេស្តលើមនុស្សជាង ២១០.០០០ នាក់ នៅឯមជ្ឈមណ្ឌលនៃការរីករាលដាលយ៉ាងលឿនមួយ។
ជាងពាក់កណ្តាលនៃករណីថ្មី បានកើតចេញពីសាខានៃនិកាយសាសនាមួយ នៅភាគអាគ្នេយ៍នៃទីក្រុង Daegu ។ ៣០៧ ករណីនៃ ៣៣៤ ករណីថ្មី គឺស្ថិតនៅក្នុងតំបន់នេះ ខណៈ ៤ ករណីដែលត្រូវបានបញ្ជាក់ គឺនៅភាគខាងជើងខេត្ត Gyeongsang។
ចំនួនអ្នកឆ្លងសរុបនៅ Daegu និង North Gyeongsang ឥឡូវនេះមានចំនួន ១.០១៧ និង ៣២១ នាក់ ។ ខេត្តនិងក្រុងធំៗផ្សេងទៀតក៏ត្រូវបានរាយការណ៍ពីការឆ្លងមួយចំនួនផងដែរ ដោយទីក្រុងសេអ៊ូល មានសេចក្តីរាយការណ៍ថាមានករណីចំនួន ៦ ផ្សេងទៀត៕
ប្រែសម្រួលដោយ៖ លឹមហុង (ប្រភព៖ worldofbuzz)