តាកែវ៖ បន្ទាប់ពីមានមន្ត្រីរាជការមួយចំនួនដែលបម្រើការងារនៅក្នុងសាលាខេត្តតាកែវ មានចំណុចអសកម្មជាច្រើនក្នុង ការអនុវត្តការងារ និងមិនគោរពម៉ោងពេលប្រចាំថ្ងៃ លើការបម្រើសេវាសាធារណៈជូនដល់បងប្អូនប្រជាពលរដ្ឋ លោក យស ណាស៊ី អភិបាលរងខេត្តាកែវ បានធ្វើការណែនាំខ្លាំងៗ ដល់មន្ត្រីទាំងនោះត្រូវតែគោរពនិងមើលបញ្ជាផ្ទៃក្នុងរបស់រដ្ឋបាលខេត្តឡើងវិញ និងត្រូវកែទម្លាប់នេះចេញជាបន្ទាន់ ដើម្បីជៀសវាងកុំអោយមានមន្ត្រីជំនាន់ក្រោយយកគំរូអាក្រក់នេះមកធ្វើការងារបន្តទៀត។
ថ្លែងនៅក្នុងការប្រកាសតែងតាំងមុខដំណែងដល់មន្ត្រីសាលាខេត្តតាកែវ ចំនួន ៨រូប នៅសាលប្រជុំផែនការវិនិយោគខេត្តតាកែវ កាលពីរសៀលថ្ងៃទី ១៥ មករា ២០១៨ លោក យស ណាស៊ី អភិបាលរងខេត្តតាកែវ បានធ្វើការណែនាំដល់មន្ត្រីរាជការដែលទើបតែទទួលបានតំណែងថ្មីបន្តខិតខំប្រឹងប្រែងធ្វើការបន្តទៀត ក្នុងការបម្រើសេវាសាធារណៈជូនដល់បងប្អូនប្រជាពលរដ្ឋរបស់យើងអោយបានឆាប់រហ័ស និងជួយសម្រួលដល់ការងារមួយចំនួនដល់ពួកគាត់ផងដែរ ។ ទទឹមនិងមានការណែនាំដល់មន្ត្រីដែលទើបតែទទួលបានតំណែងថ្មីនេះដែរ ក្នុងនោះលោកអភិបាលរងខេត្ត បានលើកឡើងនៅចំណុចអសកម្មជាច្រើនដែលមានមន្ត្រីរាជបម្រើការងារនៅក្នុងសាលាខេត្តតាកែវមួយចំនួនតូច កំពុងធ្វើអោយវិន័យមានការធ្លាក់ចុះ និងបានក្លាយជាទម្លាប់ជាប្រចាំទៅហើយ ក្នុងការមិនគោរពម៉ោងពេល និងការគិតគូរតែផលប្រយោជន៏ផ្ទាល់ខ្លួន ធ្វើអោយមានការយឺតយ៉ាវដល់ការងារបម្រើសេវាសាធារណៈជូនដល់បងប្អូនប្រជាពលរដ្ឋ ។
លោក យស ណាស៊ី បានសង្កត់ធ្ងន់ថា មន្ត្រីដែលមានទម្លាប់អាក្រក់ទាំងនេះត្រូវតែបញ្ឈប់នៅសកម្មភាពទាំងនេះជា បន្ទាន់ ព្រោះនេះជាគំរូដល់អាក្រក់ក្នុងការអនុវត្តការងារ និងបានជះឥទ្ធិពលខ្លាំងដល់មន្ត្រីជំនាន់ក្រោយមួយចំនួន អាចយកគំរូតាម ដូច្នេះដើម្បីទទួលបាននៅភាពជោគជ័យលើការធ្វើការងាររួមគ្នា មន្ត្រីទាំងអស់ត្រូវតែមានការសហការណ៏គ្នាអោយបានល្អ រួមគ្នាធ្វើការ ដើម្បីបម្រើសេវាសាធារណៈជូនដល់បងប្អូនប្រជាពលរដ្ឋរបស់យើង ។
លោកអភិបាលេងខេត្ត បានធ្វើការណែនាំបន្ថែមទៀត ពាក់ព័ន្ធលើកាrអនុវត្តន៏ការងារ ក្នុងការបម្រើសេវាសាធារណៈជូនដល់ពលរដ្ឋ ក្នុងពេលបច្ចុប្បន្ននេះក៏នៅមានមន្ត្រីមួយចំនួនបានគិតតែពីផលប្រយោជន៏ផ្ទាល់ខ្លួន ដោយធ្វើតែការងារមានប្រយោជន៏ រីឯការងារដែលមិនមានប្រយោជន៏ផ្សេងៗតែងតែទម្លាក់ការងារទៅអោយអ្នកនេះអ្នកនោះ ធ្វើអោយសំណុំឯកសារមួយចំនួនដែលនិងត្រូវធ្លាក់មកដល់គណៈអភិបាលខេត្ត វាមានការយឺតយ៉ាវច្រើន ដូច្នេះសូមអស់លោកដែលត្រូវបានតែងតាំងជាមន្ត្រីរាជការក្នុងក្របខ៏ណ្ឌរបស់ខេត្ត ត្រូវតែគោរពពីតួនាទីរបស់ខ្លួន និងត្រូវកែទម្លាប់របស់ខ្លួនដែលជាចំណុចអសកម្មនោះចេញជាបន្ទាន់ ៕ តាកែវ