នៅក្នុងការបង្ហោះលើបណ្តាញសង្គមហ្វេសបុកដែលត្រូវបានគេចែកចាយតៗគ្នាកាលពីពេលថ្មីៗនេះ បានបង្ហាញឲ្យឃើញស្ត្រីចំណាស់ម្នាក់នៅក្នុងប្រទេសថៃ បានទទួលនូវការប្រើអំពើហិង្សាដ៏មិនអាចនឹកស្មានដល់ បន្ទាប់ពីត្រូវបានគេប្រទះឃើញអង្គុយនៅតាមផ្លូវ ជាមួយស្ថានភាពរបួសឈាមស្រោចមុខ ដៃជើង និងភ្នែកហើមលិបគួរឲ្យអាសូរបំផុត។
យោងតាមអ្នកបង្ហោះបានប្រាប់ពីហេតុផលដែលស្ត្រីចំណាស់នេះត្រូវបានវាយធ្វើបាបធ្ងន់ធ្ងរបែបនេះ គឺដោយសារស្នាដៃចៅរបស់គាត់ ។ ជាក់ស្តែង ស្ត្រីនោះបានប្រាប់ថា ចៅប្រុសគាត់ដែលរស់នៅជាមួយនៅពេលផឹកស្រវឹង គឺតែងតែវាយទាត់ធាក់គាត់ស្ទើរគ្រប់ពេល ហើយវាពុំរត់គេចខ្លួនទៅណាឡើយ ។
ហេតុដូច្នេះ បន្ទាប់ពីទទួលរងការវាយដំយ៉ាងសាហាវបំផុតបែបនេះ គាត់គ្មានជំរើសអ្វីក្រៅពីរត់ចេញពីផ្ទះ និងដេកនៅតាមផ្លូវ។
គាត់បន្តថា៖ «ខ្ញុំចាស់ហើយ ខ្ញុំមិនអាចមានកម្លាំងកំហែងដើម្បីការពារខ្លួនខ្ញុំបានទេ កូនៗអើយ ជួយម៉ែផង!!» ។
បច្ចុប្បន្ននេះ គេមិនទាន់ដឹងច្បាស់ថា តើស្ត្រីចំណាស់រូបនេះត្រូវបានបញ្ជូនទៅមន្ទីរពេទ្យ ដើម្បីទទួលការព្យាបាលរបួស ឬក៏មានអ្នកជួយដាក់ពាក្យបណ្តឹងទៅកាន់ប៉ូលីស ចំពោះទង្វើដ៏ព្រៃផ្សៃរបស់ចៅប្រុសតិរច្ឆានរូបនោះយ៉ាងណានោះទេ៕
ប្រែសម្រួលដោយ៖ លឹម ហុង (ប្រភព៖ worldofbuzz)
