ពិតជាគួរឱ្យអាណិតកសិករណាស់ ដាំបន្លែស្ពៃក្តោប គ្មានគីមីបានផលហើយ បែរជាគ្មានទីផ្សារសម្រាប់លក់ទៀត ចុងក្រោយគាត់សម្រេចលក់ក្នុងតម្លៃថោកៗគឺ ១ គីឡូក្រាម តម្លៃ ពី ៣០០ ទៅ ៥០០ រៀលប៉ុណ្ណោះ ។
តាមគណនីហ្វេសប៊ុកមួយមានឈ្មោះ ធន ម៉េងហ៊ាង បានបង្ហោះរូបភាព និង សរសេរថា ស្ពៃក្តោបចំនួន ៥០ តោន លក់មិនចេញ ពេលនេះលក់តម្លៃដើមតែ ៣០០-៥០០ រៀលប៉ុណ្ណោះ សូមបងប្អូនជួយគាំ្រផលិតផលខ្មែរ បន្លែធម្មជាតិផង ដាំដោយអ្នក ភូមិរហាលសួង ឃុំព្រែកលួង ស្រុកឯកភ្នំ ខេត្តបាត់ដំបង ។
ដោយតម្លៃនេះ ថោកជាងតម្លៃទីផ្សារប្រហែលពាក់កណ្តាល ម្ចាស់ចំការ គាត់លក់ស្រង់ដើមវិញ ដើម្បីយកលុយទៅដាំបន្តទៀតតែប៉ុណ្ណោះ គាត់អំពាវនាវជូនប្រជាពលរដ្ឋ ផ្សារអាជីវកម្ម ម្ចាស់អាហារដ្ធាន និង សណ្ធារគារ សូមជួយគាំទ្រ និង កម៉្មង់ ផលិតផលបន្លែធម្មជាតិ របស់គាត់ផង ។
បើបងប្អូន មានការចាប់អារម្មរណ៍ ចង់ទិញស្ពៃក្តោបរបស់គាត់អាចទាក់ទងទៅកាន់លេខទូរស័ព្ទនេះបាន៖ ០៨៨ ៦៣៥ ៣៣ ៤០ ៕ អត្ថបទ៖ ប្រជាប្រិយ