ដូចដែលប្រិយមិត្តបានស្គាល់ច្បាស់ហើយ ចំពោះអ្នកលក់អនឡាញសាច់សខ្ចីញ៉ិញ Love Riya (ចែយ៉ា) កាលពីពេលកន្លងទៅថ្មីៗនេះ បានធ្វើឲ្យកក្រើកពេញហ្វេសប៊ុក ទាក់ទងរឿងជម្លោះលែងលះជាមួយស្វាមីរបស់នាង ។
មកទល់ពេលនេះ អ្វីៗហាក់ស្ងប់ស្ងាត់បន្តិចហើយ ក្រោយអ្នកនាងបានលែងលះប្តីរួច បើទោះជាមានអ្នកខ្លះនៅតែខមិនឌឺដងលើសពីការពិតម្តងហើយម្តងទៀត ដែលធ្វើអ្នកនាងអត់ទ្រាំពុំ ឡាយវីដេអូដាក់ឲ្យចំៗផ្អើលហ្នឹងតែម្តង ។
ក្រោយភ្លៀងមេឃស្រឡះ អ្នកនាង Love Riya ដែលនាងកំពុងជោគជ័យជាមួយមុខជំនួញផ្ទាល់ ដោយមួយរយៈចុងក្រោយនេះ នាងហាក់ជាមានហាងឆេងខ្ពស់ ដោយថ្មីៗនេះ គេសង្កេតឃើញថា អ្នកនាងបានជាប់រវល់ថតសម្អាងការ និងក៏ដូចជាការងារផ្សេងៗទៀតច្រើនផងដែរ ។
ទន្ទឹមនឹងជីវិតគូបានចែកផ្លូវគ្នា ស្វែងរកជីវិតថ្មីរៀងៗខ្លួននោះ អ្នកនាង យ៉ា ដែលហាក់ធូរស្បើយផ្លូវចិត្តច្រើន បានសម្រេចចិត្តបង្ហោះរូបពីមុនរបស់ខ្លួន មកប្រៀបនឹងរូបឥឡូវ ធ្វើឲ្យអ្នកតាមដានបានឃើញហើយស្ទើរមិនចង់ជឿសោះឡើយ ព្រោះថា រូបពីមុនរបស់នាងមិនសូវស រាងធាត់ ពោលគឺមិនសូវជាស្អាតប៉ុន្មាន ដែលធ្វើឲ្យមានអ្នកលើកឡើងចំៗថា «សំខាន់គឺទឹកលុយដល់» ៕ ដោយ៖ លឹម ហុង