ភ្នំពេញ ៖មន្ត្រីក្រសួងមុខងារសាធារណៈម្នាក់ និងស្ត្រីបុគ្គលិកធនាគារឯកជនម្នាក់ពាក់ព័ន្ធបទល្មើសលួចប្រាក់ពន្ធរដ្ឋប្រមាណ៥៣ម៉ឺនដុល្លារ ត្រូវបានសមត្ថកិច្ចនគរបាលព្រហ្មទណ្ឌកម្រិតធ្ងន់រាជធានីភ្នំពេញ បញ្ជូទៅតុលារ កាលពីរសៀលថ្ងៃទី២៧ ខែកុម្ភៈ ឆ្នាំ២០២០នេះ ។
ជនល្មើស ទាំង២នាក់ ត្រូវសមត្ថកិច្ច ចាប់ខ្លួនកាលពីថ្ងៃទី២៤ ខែកុម្ភៈ ឆ្នាំ២០២០ ពាក់ព័ន្ធករណី រំលោភលើទំនុកចិត្ត យកប្រាក់របស់ធនាគារឯកជនមួយ និងប្រាក់បង់ពន្ធរបស់ក្រុមហ៊ុន ចំនួន៥៣ម៉ឺនដុល្លារ កាលពីថ្ងៃទី១៦ ខែមករា ឆ្នាំ២០២០។
ជនសង្ស័យ មាន ឈ្មោះ ចាន់ ស៊ីមន្ថា ភេទប្រុស អាយុ៣៩ឆ្នាំ មានមុខងារជាអនុប្រធាននាយកដ្ឋាន នៃក្រសួងមុខងារសាធារណៈ មានទីលំនៅផ្ទះលេខ D84 Eo ផ្លូវលេខ១០ សង្កាត់ចោមចៅ២ ខណ្ឌពោធិ៍សែនជ័យ និងឈ្មោះ ទៀង វឌ្ឍននារីរតន៍ ភេទស្រី អាយុ៣២ឆ្នាំ ជាបុគ្គលិកធនាគារឯកជនមួយ ( ផ្នែកប្រមូលពន្ធ ) មានទីលំនៅផ្ទះលេខ D84 Eo ផ្លូវលេខ១០ សង្កាត់ចោមចៅ២ ខណ្ឌពោធិ៍សែនជ័យ៕ដោយ៖បញ្ញាស័ក្តិ
