កាលពីពេលថ្មីៗនេះ សង្ស័យអត់ទ្រាំពុំបាននឹងទង្វើមេចេះតែស៊ីពេក មិនចែកកូនចៅស៊ីខ្លះផង ស្រាប់តែគណនីហ្វេសប៊ុកលោក ហ៊ួត ពិសិដ្ឋ ដែលគេស្គាល់ថាជាមន្ត្រីពាក់ស័ក្តិ៤កន្លះ និងជាអធិការរងខណ្ឌដូនពេញ បានសរសេរសារមួយបង្ហោះផ្អើលហ្វេសប៊ុកតែម្តង ។
ទាក់ទងនឹងរឿងរ៉ាវទទួលលាបសក្ការៈពុករលួយស៊ីដាច់តែឯងនេះ ក្នុងនោះគណនី Houth Pisith បានទម្លាយចេញការឈឺចាប់យ៉ាងដូច្នេះថា៖ “ធ្វើមេដឹកនាំគេ ត្រូវគិតពីកូនចៅ កុំក្ដោបតែឯង កុំបក្ខពួកនិយម ត្រូវមានសិល្បះ ចេះចែករំលែក កុំច្រាស់តែឯង ប្រយ័ត្នជាប់គុកតែឯង និងបក្សពួក គូរកន” ។
ទោះយ៉ាងណា កេមិនដឹងថា ការលើកឡើងបែបនេះរបស់លោក ហួត ពិសិដ្ឋ គឺជាការពិត ឬ យ៉ាងណានោះទេ ខណៈមានអ្នកខមិនបានវាយបកទៅកាន់លោក ហួត ពិសិដ្ឋ វិញ ដោយសំណូមពរដល់លោកវរសេនីយ៍ឯក ទៀង ចន្ទ័សារ អធិការនគរបាលខណ្ឌដូនពេញ ជាពិសេសលោកឧត្តមសេនីយ៍ឯក ស ថេត ស្នងការរាជធានី គួរមានវិធានការចំពោះ លោកហ៊ួត ពិសិដ្ឋ អធិការរងខណ្ឌដូនពេញ និងជួយណែនាំ កុំឲ្យគាត់ប្រើពាក្យអសុរស ពេលស្រវឹងម្ដងៗ នាំឲ្យអស់តម្លៃសមត្ថកិច្ចយើង ៕
ដោយ៖ លឹម ហុង