តារាកំប្លែងដ៏ល្បីឈ្មោះមានការវិវត្តន៍ខ្លួន នាយ ពែកមី គេសង្កេតឃើញថា នាយបាននិងកំពុងជោគជ័យទាំងការងារសិល្បះ និងការរកស៊ីមុខជំនួញផ្សេងៗ ពិេសសសម័យដីធ្លីត្រូវប៉ាន់ ។
បើទោះជាជីវភាពរស់នៅហាក់ឡើងទ្រនំខ្ពស់យ៉ាងណា ក៏នាយ ពែកមី មិនភ្លេចរម្លឹកគ្រាស៊ីអត់ស៊ីឃ្លាន កាលពីលោកនៅជាងសំណង់ ខណៈប្រពន្ធជាកម្មការិនីរោងចក្រ ស្នាក់នៅផ្ទះជួលម្តុំលូ5 (ផ្លូវវេងស្រេង) នោះឡើយ ។
ពិតណាស់ ថ្មីៗនេះ នាយបានបង្ហោះរូបអនុស្សាវីយ៍នាជាមួយប្រពន្ធគ្រានៅជាសង្សារនឹងគ្នា ដោយនិយាយកំប្លែងលេងថា៖ «កាលនៅជាសង្សានឹងគ្នា. ប្តីធ្វើសំណង់នៅលូ5 ប្រពន្ធធ្វើការរោងចក្រសានសាន. ជិតអ៊ីខាង. បឹងក្រពើ. កាលនុងខ្ញុំដូច. តៅម៉ីងស៊ឺ ណាស់.» ។
យ៉ាងណាមិញ ក្រោយឃើញនាយ ពែកមី បង្ហោះអ៊ួតខ្លួនដូចតៅម៉ីងស៊ឺ ស្រាប់តែតារាកំពូលទើសលោក ម៉ៃ សុគន្ធ បានសរសើរបែបចំអកឲ្យនាយពែកមីថា «ដូចណាស់ ដូចមែនទែន?គឺ ដូចគោរ៉េ បួនជ្រុងស្មើ?2គុណ2 = 4??» ។ ទោះយ៉ាងណា នេះគ្រាន់ជាការលេងសើចរបស់លោក ម៉ៃ សុគន្ធ ប៉ុណ្ណោះ ៕ ដោយ៖ លឹម ហុង