អាជ្ញាធរហុងកុង នៅថ្ងៃសុក្រនេះ បាននិយាយថា ពួកគេបានដាក់ឆ្កែរបស់អ្នកជំងឺកូរ៉ូណាម្នាក់ ឲ្យនៅដាច់ដោយឡែកពីគេ ក្រោយពេលការធ្វើតេស្តលើសំណាករបស់ឆ្កែបង្ហាញថាមានផ្តុកវីរុសកូរ៉ូណាខ្សោយ ប៉ុន្តែពួកគេមិនទាន់មានភស្ថុតាងនៅឡើយទេថា តើវីរុសនោះអាចចម្លងទៅកាន់សត្វឬយ៉ាងណាទេ។
សុនខនៅមិនមានបង្ហាញរោគសញ្ញាអ្វីទេ តែវាត្រូវអាជ្ញាធរដាក់ឲ្យនៅដោយឡែករយៈពេល ២សប្តាហ៍។
មន្ទីរអភិរក្សជលផល និងកសិកម្មហុងកុង បាននិយាយថា ខ្លួននឹងធ្វើតេស្តបន្ថែមទៀត ដើម្បីបញ្ជាក់ថា តើវាមានផ្ទុកវីរុសកូរ៉ូណាឬអត់។
សូមបញ្ជាក់ថា បច្ចុប្បន្ននេះ ហុងកុង មានអ្នកផ្ទុកវីរុសមរណៈខាងលើចំនួន ៩៣ករណី និងមានការស្លាប់ ២ករណី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
