ចាប់តាំងពីមានជំងឺ Coronavirus ផ្ទុះឡើង អ្នកវិទ្យាសាស្ត្របានកំពុងក្រញ៉ាញ់ខួរក្បាល និងក៏កំពុងអនុវត្តន៍ចាក់ថ្នាក់ថ្នាំស្រាវជ្រាវទៅលើសត្វស្វា ដើម្បីរកដំណោះស្រាយជាអចិន្ត្រៃយ៍ចំពោះជំងឺនេះ។
ដូចបានដឹងហើយ ចិនគឺជាប្រទេសដែលផ្តើមចេញពីជំងឺកូរ៉ូណានេះ ហេតុនេះ ដើម្បីធានាបានកុំឲ្យកើតមានជំងឺអ្វីផ្សេងក្រៅពី Covid-19 នៅក្នុងប្រទេសរបស់ពួកគេម្តងទៀត ពួកគេត្រូវតែដាក់ចេញបំរាមជាផ្លូវការលើការបរិភោគសត្វឆ្កែ និងឆ្មា ខណៈប្រទេសនេះកំពុងកាត់បន្ថយទៅលើការធ្វើពាណិជ្ជកម្មសត្វព្រៃ ដែលនាំឲ្យមានការផ្ទុះជំងឺដំបូងនេះឡើង ។
បទបញ្ញត្តិនៃការហាមឃាត់នេះរួមមានបញ្ជីសាច់ ៩ ប្រភេទ ដែលត្រូវបានអនុញ្ញាតឱ្យប្រើប្រាស់ដូចជា៖ សាច់ជ្រូកសាច់ មាន់ សាច់គោ ទន្សាយ ត្រី គ្រឿងសមុទ្រ ជាដើម។ នេះបើយោងតាម Channel News Asia ។
សេចក្តីជូនដំណឹងមួយបាននិយាយថា “ការហាមឃាត់ការប្រើប្រាស់សត្វព្រៃ គឺជាការអនុវត្តជាទូទៅនៅក្នុងប្រទេសអភិវឌ្ឍន៍ និងជាតម្រូវការសកលនៃអរិយធម៌ទំនើប” ។
យោងតាមរបាយការណ៍ សត្វឆ្កែ និងឆ្មា ជាសត្វចិញ្ចឹម និងត្រូវបានហាមឃាត់ការប្រើប្រាស់ពួកវា ទោះបីពស់ អណ្តើក និងកង្កែប ដែលជាអាហារពេញនិយមនៅចិនខាងត្បូងក៏ដោយ ។
ដោយឡែក សាច់ដែលត្រូវបានអនុញ្ញាតផ្សេងទៀត គឺសាច់ចៀម លា សត្វទា ក្ងាន និងព្រាប។ សំណើនេះបានកត់សម្គាល់ឃើញថា មានសត្វព្រៃការពារជាង ២.០០០ ប្រភេទនៅក្នុងប្រទេសចិន។
អ្នកដែលចាប់បានមិនអើពើនឹងការហាមឃាត់នេះ នឹងត្រូវពិន័យរហូតដល់ ២០០០០ យន់ (ជិត ៣,០០០ ដុល្លារ) សម្រាប់ការប្រើប្រាស់សត្វត្រូវបានការពារ, ២០០០ យន់ (ជិត ៣០០ ដុល្លារ) សម្រាប់សត្វមិនបានការពារ ហើយហាងដែលបម្រើលក់សត្វការពារ ក៏នឹងប្រឈមផាកពិន័យ ៥០,០០០ យន់ (៧,០០០ ដុល្លារ) ផងដែរ ៕
ប្រែសម្រួលដោយ៖ លឹម ហុង (ប្រភព៖ worldofbuzz)