ភ្នំពេញ៖ អធិការដ្ឋាននគរបាលខណ្ឌដូនពេញ បានឲ្យដឹងថា ជនរងគ្រោះជាជនបរទេសម្នាក់ បានចូលទៅម៉ាស្សាដែលមានទីតាំងតូបមួយ ហើយដោះសម្លៀកបំពាក់ទុកលើគ្រែម៉ាស្សា រួចក៏ចេញត្រឡប់ទៅHotel វិញ ពេលពេលហូបអាហារហើយក៏បានដកលុយស្រាប់តែបាត់លុយដែលទុកក្នុងហោប៉ៅខោ។ បន្ទាប់ពីហេតុការណ៍នេះកើតឡើង ក៏បានទៅដាក់ពាក្យប្តឹង ប៉ុស្តិ៍រដ្ឋបាលផ្សារកណ្តាលទី១។ សមត្ថកិច្ចបានចុះស្រាវជ្រាវ ឈានទៅបង្ក្រាបឃាត់ខ្លួនជនសង្ស័យ២នាក់ លួចលុយនៅកន្លែងម៉ាស្សា កាលពីថ្ងៃទី២៨ ខែ២ ឆ្នាំ២០២០ នៅវេលាម៉ោង៨និង៣០នាទីយប់ ត្រង់ចំណុចតូបជួលលេខ៥ ផ្លូវ១៥៤ ភូមិ៦ សង្កាត់ផ្សារកណ្ដាល១ ខណ្ឌដូនពេញ។
សមត្ថកិច្ចបានឃាត់ខ្លួនជនសង្ស័យចំនួន២នាក់ ឈ្មោះ ចន ពិនិត្យ ភេទប្រុស អាយុ២៤ឆ្នាំ ជនជាតិខ្មែរ មុខមុខរបរបើកហាងម៉ាស្សាជនសង្ស័យទី២ ឈ្មោះ ណា ធារ៉ា ភេទស្រី អាយុ២៤ឆ្នាំ ជនជាតិខ្មែរ មុខរបរបើកហាងម៉ាស្សា ។
ជនរងគ្រោះ ឈ្មោះ Mail Lewts slmon ភេទប្រុស អាយុ៥៦ឆ្នាំ ជនជាតិអង់គ្លេស ស្នាក់ការHotel Vacation ទីតាំងផ្ទះលេខ១២៨ ផ្លូវ១៥៤ សង្កសង្កាត់ផ្សារកណ្ដាលទី១ ខណ្ឌដូនពេញ ។
នគរបាល បានបញ្ជាក់ពីដំណើររឿងហេតុនេះថា មុនពេលកើតហេតុកាលពីថ្ងៃទី២៧ ខែកុម្ភៈ ឆ្នាំ២០២០ វេលាម៉ោង ២២និង៣០នាទី ជនរងគ្រោះ បានចូលទៅម៉ាស្សាដែលមានទីតាំងតូបជួលលេខ៥ផ្លូវ១៥៤ ភូមិ២៦ សង្កាត់ផ្សារកណ្ដាលទី១ ខណ្ឌដូនពេញ ពេលចូលដល់បន្ទប់ជនរងគ្រោះបានដោះសម្លៀកបំពាក់ទុកលើគ្រែម៉ាស្សារួចក៏ចេញត្រឡប់ទៅ Hotel វិញ ពេលពេលហូបអាហារហើយ ក៏បានដកលុយស្រាប់តែបាត់លុយ ដែលទុកក្នុងហោប៉ៅខោ រួចក៏ត្រឡប់ទៅកន្លែងម៉ាស្សាវិញបានជួបជនសង្ស័យខាងលើខាងលើឲ្យលុយវិញចំនួន១៥០ដុល្លារ តែគាត់តែគាត់មិនយកព្រោះលុយរបស់គាត់មានចំនួន ៤០០ដុល្លារ ។ បន្ទាប់មកគាត់ក៏បានមកដាក់ពាក្យបណ្ដឹង នៅស្នាក់ការនគរបាលប៉ុស្តិ៍រដ្ឋបាលផ្សារកណ្តាលទី១ ។ លុះព្រឹកឡើង ថ្ងៃទី ២៨ ខែកុម្ភៈ ឆ្នាំ២០២០ វេលាម៉ោង ៨និង៣០នាទី សមត្ថកិច្ច បានចុះទៅដល់ទីតាំង ម៉ាស្សាខាងលើក្រោយពីទទួលបានទទួលពាក្យបណ្តឹងពីជនរងគ្រោះ កម្លាំងជំនាញផ្នែកយុត្តិធម៌របស់អធិការដ្ឋានប៉ុស្តិ៍រដ្ឋបាល បានចុះទៅដល់កន្លែងកើតហេតុ និងបានសហការជាមួយប៉ុស្តិ៍នគរបាលរដ្ឋបាលផ្សារកណ្តាល១ ធ្វើការត្រួតពិនិត្យឃាត់ខ្លួនម្ចាស់ទីតាំងខាងលើ នាំមកប៉ុស្តិ៍រដ្ឋបាលដើម្បីធ្វើការសាកសួរ។
ក្រោយពីធ្វើការសាកសួររួច ចំពោះមុខកម្លាំងជំនាញរបស់អធិការដ្ឋាន និងប៉ុស្ដិ៍ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធីច្បាប់ ៕ដោយ៖កូឡាប