ភ្នំពេញ៖ ប្រធាននាយកដ្ឋានប្រឆាំងបទល្មើសបច្ចេកវិទ្យា បានណែនាំដល់មន្ត្រីនគរបាល ដែលបានឆ្លងកាត់
ការសិក្សានេះ សូមយកចំណេះដឹងទាំងនេះ ទៅប្រើប្រាស់ឱ្យត្រូវតាមក្រមសីលធម៌វិជ្ជាជីវៈនគរបាល ក្នុង
យុទ្ធសាស្ត្រសម្រាប់ទប់ស្កាត់ និងបង្ក្រាបបទល្មើសបច្ចេកវិទ្យា ដែលកើតឡើងគ្មានព្រំដែនគ្រប់វិនាទី ឱ្យបាន
ត្រឹមត្រូវ និងមានប្រសិទ្ធភាព។
លោកឧត្តមសេនីយ៍ឯក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា ជាអធិបតី ក្នុងពិធីបិទវគ្គ
បណ្តុះបណ្តាលស្តីពី “ស៊ើបអង្កេតបទល្មើសបច្ចេកវិទ្យា” ។ វគ្គបណ្តុះបណ្តាលធ្វើនៅអគ្គស្នងការដ្ឋាននគរ
បាលជាតិ នាថ្ងៃសុក្រ ទី២៨ ខែកុម្ភៈ ឆ្នាំ ២០២០ ដែលមានសិក្ខាកាមចូលរួម ពីនាយកដ្ឋានប្រឆាំងបទល្មើស
បច្ចេកវិទ្យា និងនាយកដ្ឋានប្រឆាំងបទល្មើសល្បែងពាណិជ្ជកម្ម។
លោកឧត្តមសេនីយ៍ឯក ជា ពៅ បានមានប្រសាសន៍ថា គោលបំណងក្នុងការបង្កើតវគ្គបណ្តុះបណ្តាលនេះ
ដើម្បីឱ្យសិក្ខាកាមដែលចូលរួមមានចំណេះដឹង ក្នុងយុទ្ធសាស្ត្រសម្រាប់ទប់ស្កាត់ និងបង្ក្រាបបទល្មើស
បច្ចេកវិទ្យា ដែលកើតឡើងគ្មានព្រំដែនគ្រប់វិនាទី ឱ្យបានត្រឹមត្រូវ និងមានប្រសិទ្ធភាព។ លោក ក៏បាន
បន្ថែមថា នាយកដ្ឋានប្រឆាំងបទល្មើសបច្ចេកវិទ្យា មានបំណងរៀបចំឱ្យមានមន្ត្រីជំនាញសម្រាប់ទំនាក់ទំនង
ជាមួយភាគីសឹង្ហបុរី ដើម្បីសហការ ក្នុងការស៊ើបអង្កេត និងបង្ក្រាបបទល្មើសបច្ចេកវិទ្យា។
ជាចុងក្រោយ លោក ក៏បានមានប្រសាសន៍ផ្តាំផ្ញើទៅ សិក្ខាកាមទាំងអស់ដែលបានឆ្លងកាត់ការសិក្សា
នេះហើយ សូមយកចំណេះដឹងទាំងនេះ ទៅប្រើប្រាស់ឱ្យត្រូវតាមក្រមសីលធម៌ វិជ្ជាជីវៈនគរបាល ក្នុង
ការងារប្រចាំថ្ងៃរបស់ខ្លួនឱ្យបានជោគជ័យ។
ឧត្តមសេនីយ៍ឯក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា បានមានប្រសាសន៍ផ្តាំផ្ញើដល់
សិក្ខាម ដែលបាន បញ្ចប់វគ្គថា អ្វីដែលសិក្ខាកាមក្រេបជញ្ជក់នៅថ្ងៃនេះ សូមយកទៅប្រើប្រាស់បម្រើឲ្យ
សមូហភាព បម្រើឲ្យអង្គភាព បម្រើឲ្យក្រសួង ជាពិសេសទៀត គឺត្រូវលះបង់បម្រើឲ្យប្រជាពលរដ្ឋ ព្រោះ
យើងក៏ជាប្រជាពលរដ្ឋកម្ពុជាម្នាក់ដែរ ដូចនេះ សូមកុំយកបទពិសោធន៍ដែលចេះនេះ ទៅឆ្លៀតឱកាស បម្រើ
ជនខិលខូច ឬយករឿងនេះទៅប្រព្រឹត្តខ្លួនឯងនៅពេលដែលយើងមានបទពិសោធន៍ ព្រោះបទល្មើសនេះ
មិនមានជនណាអាចគ្រប់គ្រង ខ្លួនឯងក្រៅតែអំពីបុគ្គលខ្លួនឯង បង្ហាញពីភាពស្មោះត្រង់ចំពោះប្រជាជាតិ
ចំពោះសហការី ហើយចំពោះអ្នកដែលផ្លាស់ប្តូរបទពិសោធន៍ឲ្យប្រទេស កម្ពុជាយើង ពិសេសគឺប្រទេសសឹង្ហ
បុរីនេះ សូមកុំយកបទពិសោធន៍ដែលខ្លួនបានរៀន ទៅសាកល្បងនៅក្នុងប្រទេសសឹង្ហបុរី ទៅប្រព្រឹត្ត
បទល្មើស នៅប្រទេសសឹង្ហបុរី ហើយឆ្លើយដាក់ថាបានរៀននៅវគ្គនេះ ។ អ្វីដែលយើងរៀននៅថ្ងៃនេះ គឺបម្រើ
ឲ្យសមូហភាពរួម។
ឧត្តមសេនីយ៍ឯក ប្រធាននាយកដ្ឋានប្រឆាំងបទល្មើសបច្ចេកវិទ្យា បានមានប្រសាសន៍ទៀតថា ក្នុងនាមមន្ត្រី អនុវត្តច្បាប់មិនបណ្តែត បណ្តោយឲ្យប្រទេសកម្ពុជាធ្លាក់ក្នុងស្ថានភាពមួយ ដែលគេហ្នឹងចាត់ទុកថា ជា
មូលដ្ឋាននៃការលាងសម្អាតប្រាក់ តាមរយៈប្រព័ន្ធកាស៊ីណូ នោះទេ។
លោកឧត្តមសេនីយ៍ឯក បានមានប្រសាសន៍ទៀតថា ដោយសារការរីកចម្រើនរបស់ប្រទេសជាតិ លើគ្រប់
វិស័យ ក្រោមការដឹកនាំប្រកប ដោយគតិបណ្ឌិត របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា
បានធ្វើឲ្យវិស័យជាច្រើនរីក លូតលាស់ ដោយឡែកវិស័យទេសចរណ៍ ក៏ផ្សារភ្ជាប់ទៅនឹងការឲ្យមាននូវ
ដំណើរការអាជីវកម្មផ្នែកល្បែងស៊ីសងនេះផងដែរ។ ទន្ទឹមនឹងនេះ រាជរដ្ឋាភិបាលកំពុងតែគិតគូរ
យកចិត្តទុកដាក់ធ្វើយ៉ាងណា ដើម្បីគ្រប់គ្រងលើវិស័យល្បែងស៊ីសងនេះ ឲ្យស្ថិតនៅក្រោមច្បាប់មួយកំណត់
ដែលមានការគោរព អនុវត្តច្បាប់នៅកម្ពុជាឲ្យបានត្រឹមត្រូវ ៕ដោយ៖កូឡាប