ភ្នំពេញ៖ អធិការដ្ឋាននគរបាលខណ្ឌដូនពេញ បានរាយការណ៍ពីករណីបង្ក្រាបឃាត់ខ្លួនជនសង្ស័យម្នាក់ ករណីលួចលុយនៅកន្លែងម៉ាស្សា ខណៈពេលជនរងគ្រោះ បានចូលទៅម៉ាស្សាដែលមានទីតាំងផ្ទះលេខ8Eo ផ្លូវ១១៨ ភូមិ២ សង្កាត់ផ្សារកណ្ដាលទី១ ខណ្ឌដូនពេញ ពេលដែលចូលដល់ កន្លែង គ្រែម៉ាស្សាជនរងគ្រោះបានដោះសម្លៀកបំពាក់ដាក់ពីលើក្បាលដំណេក និងដាក់កាបូបលុយនៅក្បែរនោះដែរ ពេលនោះ ជនសង្ស័យ បានចូលទៅក្នុងបន្ទប់ ដែលជនរងគ្រោះកំពុងម៉ាស្សា ធ្វើសកម្មភាពយកលុយដុល្លារក្លែងក្លាយ ទៅប្តូរយកលុយដុល្លារពិតរបស់ជនរងគ្រោះជាងមួយម៉ឺនដុល្លារ រួចបានរត់គេចខ្លួនបាត់។
ករណីខាងលើនេះ កើតឡើងកាលពីថ្ងៃទី២៧ ខែកុម្ភ: ឆ្នាំ២០២០ នៅវេលាម៉ោង២២និង៣០នាទីយប់ ត្រង់ចំណុចផ្ទះជួលលេខ 8Eoផ្លូវ១១៨ ភូមិ២ សង្កាត់ផ្សារកណ្ដាល១ ខណ្ឌដូនពេញ រាជធានីភ្នំពេញ ។
ជនសង្ស័យឈ្មោះ សៅ រិទ្ធ ហៅវ៉ាវ ភេទប្រុស អាយុ២៥ឆ្នាំ ជនជាតិខ្មែរ មុខរបរបើកហាងម៉ាស្សា។ ចំណែកជនរងគ្រោះ ឈ្មោះ Jeon gwangho ភេទប្រុស អាយុ៤៣ឆ្នាំ ជនជាតិកូរ៉េ ស្នាក់នៅសណ្ឋាគារ River star សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ។
នគរបាលខណ្ឌ បានរៀបរាប់ពីដំណើររឿងហេតុថា មុនពេលកើតហេតុកាលពីថ្ងៃទី២៧ ខែកុម្ភៈ ឆ្នាំ២០២០ វេលាម៉ោង ២០និង៣០នាទី ជនរងគ្រោះ បានចូលទៅម៉ាស្សាដែលមានទីតាំងផ្ទះលេខ8Eo ផ្លូវ១១៨ ភូមិ២ សង្កាត់ផ្សារកណ្ដាលទី១ ខណ្ឌដូនពេញ ពេលដែលចូលដល់ កន្លែង គ្រែម៉ាស្សាជនរងគ្រោះបានដោះសម្លៀកបំពាក់ដាក់ពីលើក្បាលដំណេក និងដាក់កាបូបលុយនៅក្បែរនោះដែរ ពេលនោះ ជនសង្ស័យឈ្មោះ សៅ រិទ្ធ បានចូលទៅក្នុងបន្ទប់ ដែលជនរងគ្រោះកំពុងម៉ាស្សា ធ្វើសកម្មភាពយកលុយដុល្លារ ក្លែងក្លាយ (លុយសែន) ទៅប្តូរយកលុយដុល្លារពិតប្រាកដ របស់ជនរងគ្រោះចំនួន13200$ (មួយម៉ឺនបីពាន់ពីររយដុល្លារគត់) បន្ទាប់ពីបានប្តូរលុយដុល្លាក្លែងក្លាយ រួចជនសង្ស័យបានរត់គេចខ្លួនបាត់តែម្តង ក្រោយពីទទួលបានទទួលពាក្យបណ្តឹងពីជនរងគ្រោះ កម្លាំងជំនាញផ្នែកយុត្តិធម៌របស់អធិការដ្ឋាន ប៉ុស្តិ៍រដ្ឋបាល បានចុះទៅដល់កន្លែងកើតហេតុ និងបានសហការជាមួយប៉ុស្តិ៍នគរបាលរដ្ឋបាលផ្សារកណ្តាល១ ធ្វើការត្រួតពិនិត្យឃាត់ខ្លួនម្ចាស់ទីតាំងខាងលើ នាំមកប៉ុស្តិ៍រដ្ឋបាលដើម្បីធ្វើការសាកសួរ។
ក្រោយពីធ្វើការសាកសួរជនសង្ស័យ បានសារភាពថា ខ្លួនពិតជាបានលួចលុយចំនួន7000ដុល្លារ ពីភ្ញៀវដែលបានចូលមកកន្លែងម៉ាស្សារបស់ខ្លួន ។ លុះព្រឹកឡើងនៅថ្ងៃទី២៨ ខែកុម្ភ: ឆ្នាំ២០២០ សមត្ថកិច្ចបានបន្តនាំជនសង្ស័យទៅយកវត្ថុតាងបន្ថែមទៀត ចំនួន១០០ដុល្លារ ដែលបានលាក់ទុកនៅកន្លែងក្រោមកំប៉ុងជើងធូបជំនាងផ្ទះ។
ចំពោះមុខកម្លាំងជំនាញរបស់អធិការដ្ឋាន និងប៉ុស្ដិ៍ កំពុងកងសាងសុំណុំរឿងបញ្ជូន ទៅសាលាដំបូងរាជធានីភ្នំពេញ ដើម្បីអនូវត្តន៍តាមនីតិវិធីនៃច្បាប់៕ដោយ៖បញ្ញាស័ក្តិ