មហាជននៅក្នុងបណ្តាញសង្គម បានបង្ហាញអារម្មណ៍ស្អប់ខ្ពើមយ៉ាងខ្លាំង ចំពោះទង្វើគ្មានសិលធម៌ និងអមនុស្សធម៌ របស់ប៉ូលីសចរាចរណ៍ប្រចាំការនៅចំណុចភូមិតាស៊ុយ ឃុំកាចាញ ក្រុងបានលុង ខេត្តរតនគិរី ដែលបានចាប់ផាកពិន័យមិនលើកលែង សូម្បីតែឡានដឹកមឈូស ប្រញាប់យកទៅដាក់សព ។
បើតាមការបញ្ជាក់ពីបងប្រុសជាសកម្មជនម្នាក់នៅក្នុងវីដេអូ គាត់និយាយទាំងកំហឹងឈឺចាប់ថា ឡានដឹកមឈូសយកដាក់សាកសពប្រពន្ធរបស់លោកអធិរាធមហាសាច់ ត្រូវបានប៉ូលីសខាងតាស៊ុយ ខេត្តរតនគិរី ចាប់ផាកពិន័យចំនួន ១ ម៉ឺនរៀល ខណៈឡានដឹកដំឡូងស្អីៗវិញដឹកឲ្យឡើងខ្ទេចផ្លូវអស់ហើយមិនចាប់ បែរជាមកចាប់គ្រាន់តែឡានដឹកមឈូស១ ដែលធ្វើឲ្យខកខានពេលវេលាលើកសពដាក់មឈូសគួរឲ្យក្តៅក្រហាយជាខ្លាំង ។
តាមរយៈទង្វើដ៏ហួសហេតុនេះ គាត់ និងសាច់ញាតិគ្រួសារនៃសព សូមសំណូមពរដល់លោកស្នងការ និងអធិការខេត្តរតនគិរី មេត្តាជួយពិនិត្យមើលកូនចៅផង កុំព្រោះតែលុយគ្មានមើលពីកាលៈទេសៈនោះ ៕ ដោយ៖ លឹម ហុង