ព្រៃវែង៖ ២នាក់ប្តីប្រពន្ធ បានស្លាប់នៅហ្នឹងកន្លែង ក្នុងករណីគ្រោះថ្នាក់ចរាចរណ៍មួយ រវាងរថយន្ត និងម៉ូតូ បើកបរបញ្ច្រាសទិសគ្នានៅចំណុចភូមិអណ្ដូង ឃុំជើងភ្នំ ស្រុកបាភ្នំ ខេត្តព្រៃវែង នៅលើផ្លូវកៅស៊ូលេខ៣១១ នៅវេលាម៉ោង១៤និង០៥នាទី ថ្ងៃទី២៨ ខែកុម្ភៈ ឆ្នាំ២០២០។
នគរបាលមូលដ្ឋាន បានឲ្យដឹងថា រថយន្តម៉ាកហ៊ីយ៉ាន់ដាយ ពណ៌ស ពាក់ផ្លាកលេខ កំពង់ចាម 3A 5219 អ្នកបើកបរមិនស្គាល់អត្តសញ្ញាណ (រត់គេចខ្លួនបាត់ពីកន្លែងកើតហេតុ ដោយទុករថយន្តចោល) បើកបរពីលិចទៅកើតផ្លូវកៅស៊ូលេខ៣១១ រេចង្កូតចូលស្តាំដៃ បានបុកម៉ូតូពេញទំហឹង។ ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៦ ពាក់ផ្លាកលេខ កណ្តាល1R-7716។ អ្នកបើកបរម៉ូតូ ឈ្មោះ កាក់ គា ភេទប្រុស អាយុ៣៤ឆ្នាំ នៅភូមិតាម៉ា ឃុំបឹងព្រះ ស្រុកបាភ្នំ ខេត្តព្រៃវែង អ្នករួមដំណើរ ឈ្មោះ អ៊ាន សម្ផស្ស ភេទស្រី អាយុ៣៥ឆ្នាំ ត្រូវជាប្រពន្ធ៕ដោយ៖បញ្ញាស័ក្តិ