បាត់ដំបង: រថយន្ត VIP របស់ក្រុមហ៊ុន វីរ: ប៊ុន ថាំ បើកបុកម៉ូតូឆ្លងផ្លូវ ស្លាប់ស្រ្តីម្នាក់ និងបុរសម្នាក់រងរបួសធ្ងន់ កាលពីវេលាម៉ោង ៩និង១០នាទីព្រឹកថ្ងៃទី២៨ ខែកុម្ភ: ឆ្នាំ២០២០ ស្ថិតតាមបណ្ដោយផ្លូវជាតិលេខ៥ ភូមិសាលាត្រាវ ឃុំកំពង់ព្រៀង ស្រុកសង្កែ ខេត្តបាត់ដំបង។
រថយន្ត VIP របស់ក្រុមហ៊ុន វីរ: ប៊ុន ថាំ ពាក់ផ្លាកលេខ ភ្នំពេញ 2AD-4369 អ្នកបើកបរគេចខ្លួន។ ម៉ូតូម៉ាក ឌ្រីម ផ្លាកលេខដាច់បាត់ អ្នកបើកបរឈ្មោះ យ៉ាត ស្មី ភេទប្រុស អាយុ ៦៧ឆ្នាំ រស់នៅភូមិឃុំកើតហេតុ អ្នករួមដំណើរឈ្មោះ ម៉ក់ មេត ភេទស្រី អាយុ ៦៣ឆ្នាំ ស្លាប់។
មុនពេលកើតហេតុ ជនរងគ្រោះជិះម៉ូតូមកពីទិសលិចទៅកើត តាមបណ្ដោយផ្លូវជាតិលេខ៥ ហើយបត់ឆ្វេងឆ្លងផ្លូវ ស្រាប់តែរថយន្តបើកមកបុកពីក្រោយ បណ្ដាលឲ្យមនុស្សស្លាប់ និងរងរបួសធ្ងន់។ ចំណែករថយន្តបានក្រឡាប់ ផ្ងារជើង ឯអ្នកបើករថយន្តបានរត់គេចខ្លួនបាត់៕ដោយ៖បញ្ញាស័ក្តិ