ក្នុងការបង្ហោះរបស់គណនីហ្វេសប៊ុកមួយឈ្មោះ Jithathai Chaiyathep ដែលកំពុងទទួលបានការចាប់អារម្មណ៍ស៊ែរតៗគ្នាយ៉ាងច្រើន បានរៀបរាប់ឲ្យដឹងថា ក្មេងស្រីម្នាក់តែងតែប្រើពេលវេលាទំនេររបស់នាង ដើររើសដបទឹកសុទ្ធ សំបកកំប៉ុង ដបសំណល់អេតចាយផ្សេងៗ យកទៅលក់ ដើម្បីជួយសម្រាលបន្ទុកគ្រួសាររបស់នាង ។
នាងត្រូវបានដឹងថាមានឈ្មោះ ណង ជេននី (Nong Jenny) អាយុ ៩ ឆ្នាំ។ ឪពុកម្តាយរបស់នាងបានស្លាប់ចោលនាងតាំងនៅតូចម្លេះ ហើយសព្វថ្ងៃនេះ នាងរស់នៅជាមួយម្តាយមីង ។
Jenny បានប្រាប់ឲ្យដឹងថា ពេលចេញពីរៀន នាងបានជិះកង់បណ្តើរ និងរើសប្រមូលសំបកដប កំប៉ុងគេបោះចោលតាមផ្លូវឲ្យបានច្រើនយកទៅទុកក្នុងផ្ទះ ដើម្បីលក់បានលុយបន្តិចបន្តួចជួយដោះសម្រាលជីវិតភាពអ៊ុំស្រី និងសល់ខ្លះទុកគ្រាន់សម្រាប់ផ្គត់ផ្គង់ការសិក្សា ។
ក្រោយឃើញនាងចេះមានការតស៊ូបែបនេះ សប្បុរសជាច្រើនដែលក្តីចិត្តអាណិត បានជួយឧបត្ថម្ភ និងបង្កើតជាមូលនិធិជួយដល់នាង ។ ក្នុងនោះ គេក៏បានឧបត្ថម្ភកង់ថ្មី១គ្រឿងដល់សម្រាប់ធ្វើដំណើរទៅសាលារៀនប្រសើរជាងមុនផងដែរ ។
ពេលដែលសួរនាំចង់បានអ្វីបន្ថែមទៀតទេ នាងគ្រាន់តែប្រាប់ថា នាងចង់ឲ្យម្ដាយមីងរបស់នាងហូបឆ្អែត ហើយមានក្ដីសុខប៉ុណ្ណោះ ៕
ប្រែសម្រួលដោយ៖ លឹម ហុង
