កំពង់ស្ពឺ៖ ស្នងការដ្ឋាននគរបាលខេត្តកំពង់ស្ពឺ នៅថ្ងៃទី១ខែមីនានេះ បានផ្សព្វផ្សាយព័ត៌មានថា មានម្ចាស់គណនីហ្វេសប៊ុក Kang Por Chhay ត្រូវសមត្ថកិច្ចនគរបាលធ្វើការស្រាវជ្រាវ និងសាកសួរ កសាងសំណុំរឿងចាត់ការតាមនីតិវិធី នៅថ្ងៃទី១ខែមីនាឆ្នាំ២០២០ ដែលពាក់ព័ន្ធនឹងការការសរសេរសារបង្ហោះនូវព័ត៌មាន “បិទរោងចក្រ កម្មករគ្មានការងារធ្វើ ចោរកម្មកើនឡើង ជាមតិមួយ ត្រឹមត្រូវឬទេ អរគុណ សន្ដិភាព , គាស់សាហាវ/ ប្លន់សាហាវ អាចនិងមានប័ណ្ណសរសើរទៀត ។
សូមបញ្ជាក់ថា កាលពីពេលថ្មីៗនេះ បុរសម្នាក់ដែលជាម្ចាស់គណនីហ្វេសប៊ុក Kang Por Chhay និងត្រូវបានគេស្គាល់ថាមាន ឈ្មោះ កាំង ប៉ោឆាយ មុខរបរ លក់ទូរស័ព្ទដៃ និងជាអ្នកថតរូបដ៏មានទេពកោសល្សម្នាក់ ជាអ្នកនិយមលេងបណ្ដាញសង្គម ហ្វេសប៊ុកដ៏ល្បីមួយរូបប្រចាំខេត្ដកំពង់ស្ពឺ ត្រូវ បានសមត្ថកិច្ចនគរបាលធ្វើការស្រាវជ្រាវនិងអញ្ជើញមកសាកសួរ នៅការិយាល័យសន្ដិសុខផ្ទៃក្នុង នៃស្នងការដ្ឋាននគរបាលខេត្តកំពង់ស្ពឺ កាលពីថ្ងៃទី ២៨ ខែកុម្ភៈ ឆ្នាំ២០២០ ពាក់ព័ន្ធករណីសរ សេរសារ បង្ហោះនូវព័ត៌មានមិនពិត។
ក្រោមការចង្អុលណែនាំរបស់លោកឧត្ដមសេនីយ៍ទោ សម សាមួន ស្នងការ នគរបាលខេត្តកំពង់ស្ពឺ និងបានការឯកភា ពពីលោកស្រី ព្រះរាជអាជ្ញា អយ្យការ អមសាលាដំបូងខេត្ដកំពង់ស្ពឺ បានបញ្ជាឲ្យកម្លាំងនគរបាលផែនការងារសន្ដិសុខ ធ្វើការ ស្រាវជ្រាវនិងអញ្ជើញម្ចាស់គណនីហ្វេសប៊ុក Kang Por Chhay ដែលបានធ្វើការសរសេរសារបង្ហោះនូវព័ត៌មាន “ បិទរោងចក្រ កម្មករគ្មានការងារធ្វើ ចោរកម្មកើនឡើង ជាមតិមួយ ត្រឹមត្រូវឬទេ អរគុណ សន្ដិភាព , គាស់សាហាវ/ ប្លន់សាហាវ អាចនិងមានប័ណ្ណសរសើរទៀត ” ជាក់ស្ដែង បុរសម្នាក់ឈ្មោះ កាំង ប៉ោឆាយ បានឆ្លើយទទួលស្គាល់ថាខ្លួនពិតជាម្ចាស់ គណនីហ្វេសប៊ុក Kang Por Chhayនិងបានសរសេរនូវព័ត៌មាននេះបង្ហោះក្នុងគោលបំណងដើម្បីឲ្យសាធារណជនមាន ការយល់ច្រឡំ ព្រោះខ្លួនមើលតាមហ្វេសប៊ុក មួយចំនួនដែលបានបង្ហោះនូវព័ត៌មាន ពីក្រៅប្រទេសមក(ក្រុមអគតិ)។
បច្ចុប្បន្នសមត្ថកិច្ចនគរបាលបានកសាងសំណុំរឿងបញ្ជូនទៅអយ្យការ អមសាលាដំបូងខេត្ដកំពង់ស្ពឺ ចាត់ការតាមនីតិវិធី ។
ស្នងការនគរបាលខេត្ត បានសំណូមពរថា សមត្ថកិច្ចស្នើសុំដល់អ្នកលេងបណ្ដាញសង្គមហ្វេសប៊ុកទាំងអស់មេត្តាកុំធ្វើការផ្ស ព្វផ្សាយនូវព័ត៌មានមិនពិតដែលធ្វើឲ្យមានការភាន់ច្រឡំពីបងប្អូនប្រជាពលរដ្ឋនិងប៉ះពាល់ផ្លូវច្បាប់ ៕ដោយ៖បញ្ញាស័ក្តិ
