ប្រទេសកូរ៉េខាងត្បូង បានប្រកាសនៅថ្ងៃចន្ទថា មានមនុស្សចំនួន ៤៧៦នាក់បន្ថែមទៀតដែលបានឆ្លងវីរុសកូរ៉ូណា បណ្តាលឲ្យតួលេខនៃអ្នកឆ្លងវីរុសសរុបកើនដល់ ៤.២១២នាក់។
រហូតមកដល់ពេលនេះ មានមនុស្សចំនួន ២២នាក់បានស្លាប់ដោយសារវីរុសមរណៈខាងលើ ដែលបានផ្ទុះចេញពីប្រទេសចិន។
ក្នុងចំណោមអ្នកឆ្លងថ្មី ៤៧៦នាក់ មាន ៣៧៧នាក់ស្ថិតនៅតំបន់ Daegu ជាកន្លែងមានការរីករាលដាលវីរុសលឿន ក្នុងរយៈពេលប៉ុន្មានថ្ងៃនេះ។
សូមបញ្ជាក់ថា កូរ៉េខាងត្បូងមានការរីករាលដាលនៃវីរុស COVID-19 យ៉ាងឆាប់រហ័ស បណ្តាលឲ្យវាក្លាយទៅជាប្រទេសទី ២ដែលមានអ្នកឆ្លងវីរុសច្រើនបំផុតបន្ទាប់ពីប្រទេសចិន៕
អត្ថបទប្រែសម្រួលដោយ៖ សុភ័ក្រ
ប្រភព៖ Yonhap