នៅក្នុងសង្គមយើងសព្វថ្ងៃនេះ ពាក្យថាមនុស្សចិត្តល្អកម្ររកបាន ឬ មនុស្សមិនមានការលោភលន់ចង់បានរបស់ទ្រព្យអ្នកដទៃដែលភ្លេច ឬ ជ្រុះតាមផ្លូវ គឺមានតិចតួចណាស់ ។ ជាក់ស្តែង ម្ចាស់ស្ថានីយប្រេង MPL ផ្សារពួក (ខេត្តសៀមរាប) បានធ្វើឲ្យគ្រប់គ្នានៅក្នុងបណ្តាញសង្គមកោតសរសើរជាខ្លាំង ខណៈពេលនេះគាត់បានប្រកាសស្វែងរកម្ចាស់កាបូបម្នាក់ ដែលបានភ្លេចកាបូបស្ពាយនៅក្នុងបន្ទប់ទឹកស្ថានីយរបស់គាត់ ដែលមាននៅក្នុងនោះលុយជាង ៣ លានរៀល និងរបស់របរផ្ទាល់ខ្លួនមួយចំនួនទៀត ។
តាមរយៈគណនីហ្វេសប៊ុកឈ្មោះ Chhuny Souk បានបង្ហោះឲ្យដឹងថា៖ «ស្ថានីយ៍ប្រេងMPLយើងខ្ញុំដែលមានទីតាំងស្ថិតនៅខាងលិចផ្សារពួកបានរើសកាបូបស្ពាយមួយដែលភ្ញៀវចូលបន្ទប់ទឹកភ្លេចក្នុងនោះមានលុយប្រហែលជាបីលានរៀលបើបងប្អូនណាបានស្គាល់ម្ចាស់រូបនេះសូមជួយប្រាប់មកយកផង។អរគុណ
ទូស័ព្ទ011823333» ។
ទោះយ៉ាងណា មកទល់ពេលនេះ យើងពុំទាន់ដឹងថា ម្ចាស់កាបូបខាងលើបានមកទទួលយកវិញឬនៅនោះទេ ៕ ដោយ៖ លឹម ហុង