សេដ្ឋីឆ្នោតរង្វាន់ធំ ៥ រូបថ្មីទៀតហើយ ត្រូវបានរកឃើញនៅក្នុងប្រទេសថៃ បានថ្លែងអំណរគុណចំពោះកាចាប់ឆ្នោតរង្វាន់ធំរបស់រដ្ឋាភិបាលថៃ កាលពីទី០១ ខែមីនា ឆ្នាំ២០២០ ។ លេខរង្វាន់ធំគឺ 875938 ដែលមានទឹកប្រាក់ចំនួន ៦ លានបាត ក្នុង១សន្លឹក ។
អ្នកឈ្នះទី១ និងធំបំផុត គឺអ្នកមីងម្នាក់នៅក្នុងខេត្ត Lampang ។ Nittiya អាយុ ៥៥ ឆ្នាំ បានប្រញាប់រាយការណ៍ទៅកាន់ប៉ុស្តិ៍ប៉ូលីស Hangchat អំពីរង្វាន់ឆ្នោត ២៤ លានបាត (ជាង ៧ សែនដុល្លារ) ។ អ្នកស្រី Nittiya បញ្ចេញឲ្យដឹងថា អ្នកឆ្នោតម្នាក់មកកាន់ភូមិរបស់គាត់ ហើយគាត់ជ្រើសរើសមួយឈុត ៥ សន្លឹក ដោយចៃដន្យ និងអ្នកជិតខាងម្នាក់បានមកទិញតែ១សន្លឹកប៉ុណ្ណោះ ដូច្នេះ គាត់បានចែករំលែក និងទុក ៤ សន្លឹក ។ នៅពេលអ្នកឈ្នះរង្វាន់ធំបានដឹងពីអ្វីដែលបានកើតឡើង គាត់បានគ្រួសារក្រុមគ្រួសារ ហើយបើកឡានទៅប៉ុស្តិ៍ប៉ូលីសភ្លាមៗ ដើម្បីជាវិធានសន្តិសុខ។ ពេលនេះ អ្នកឈ្នះរង្វាន់ ៦ លាន កំពុងជប់លៀងពេញមួយភូមិ ។
អ្នកឈ្នះបន្ទាប់ បានទៅលើអ្នកស្ម័គ្រក្រុមសង្គ្រោះម្នាក់ ទទួលបានប្រាក់ចំនួន ១២ លានបាត នោះគឺ Pinpetch Prasongpol អាយុ ២៤ រស់នៅខេត្ត Sa Kaeo ជាប់ព្រំដែនកម្ពុជា ។ នាងបានឲ្យដឹងថា នាងទើបតែបានទៅបន់ស្រន់នៅកន្លែងព្រះបាទជាន់ទុក នៅ Khao Khitchakut ក្នុងខេត្ត Chanburi ជាមួយសមាជិកក្រុមសង្គ្រោះមួយចំនួន ។ ភ្លាមៗបន្ទាប់វិលត្រឡប់មកវិញ នាងក៏បានក្លាយជាសេដ្ឋីឈ្នះឆ្នោត ២ សន្លឹក ។
អ្នកឈ្នះទី៣គឺបានទៅលើឈ្មោះ Pranisara Baipimai អាយុ ៣៦ ឆ្នាំ មកពីស្រុក Sri Racha ខេត្ត Chonburi ។ គាត់ឈ្នះ ២ សន្លឹក ជាមួយទឹកប្រាក់ ១២ លានបាត ។ Pranisara បានបញ្ជាក់ថា នាងតែងតែទិញសំបុត្រដែលមានលេខចុង 83 តែពេលនេះនាងរកមិនបាន ហើយទិញ 38 ជំនួសវិញ។ ឆ្នោតនេះនាងបានទិញពីឈ្មោះ Rungnapaporn អាយុ ៣៨ ឆ្នាំ ។
អ្នកឈ្នះទី ៤ គឺ Suparat អាយុ ៥២ ឆ្នាំ មកពីខេត្តឈៀងម៉ៃ ដោយឈ្នះទឹកប្រាក់ចំនួន ៦ លានបាត។ Suparat បានប្រាប់ថា នាងនឹងយកទាំងនេះទៅសងបំណុលគេ និងនៅសល់ប៉ុន្មានទុកធ្វើដើមទុនរកស៊ី ។ អ្នកឈ្នះលេខ ៥ និងចុងក្រោយ គឺបានទៅលើនារីវ័យក្មេងម្នាក់ មកពីខេត្ត Sakon Nakhon ដែលឈ្នះទឹកប្រាក់ចំនួន ៦ លានបាត។ នាងបានបង្ហាញថា ដំបូងនាងបានទិញសំបុត្រឆ្នោតជាកាដូដល់ចៅរបស់នាងប៉ុណ្ណោះ ប៉ុន្តែ ពេលនេះបានប្រែជាទទួលបានលាភសំណាងដ៏មិននឹកស្មាន ៕
ប្រែសម្រួលដោយ៖ លឹម ហុង (ប្រភព៖ Khaosod, Sanook)
