នៅក្នុងអាស៊ី យើងអាចរកឃើញមុខម្ហូបដ៏កម្រៗ និងការធ្វើម្ហូបក៏មិនធម្មតាផងដែរ ។ នៅក្នុងអាស៊ី នោះវៀតណាម ត្រូវបានចាត់ទុកជាប្រទេសមួយ ដែលមានការចម្អិនអាហារចម្លែកៗបំផុតនៅលើពិភពលោក ។ ការធ្វើម្ហូបរបស់ជនជាតិនេះអាចត្រូវបានមើលឃើញថាវាពិតគួររន្ធត់ណាស់ ប៉ុន្តែ ទាំងនេះគឺជាផ្នែកមួយនៃប្រពៃណីចារជាប្រវត្តិសាស្ត្រដ៏យូរអង្វែងមកហើយ ។
ដោយឡែក អាហារបាយជាមួយ «ជីងចក់អាំង ឬ ចៀន» ដែលត្រូវបានដឹងថាជាមុខម្ហូបដ៏ពេញនិយម នៅក្នុងប្រទេសវៀតណាមបច្ចុប្បន្ន បានធ្វើឲ្យពិភពលោកមានការភ្ញាក់ផ្អើលយ៉ាងខ្លាំង ព្រោះគេធ្លាប់តែឃើញចាស់សម័យពីដើមចាប់ «ជីងចក់» យកទៅអាំង ធ្វើជាថ្នាំព្យាបាលជំងឺម្តងម្កាលប៉ុណ្ណោះ ។
អាហារដ៏ចម្លែកនេះ គឺមានតម្លៃសមរម្យមិនជាថ្លៃណាស់ណានោះទេ ពោលគឺលោកអ្នកមិនចាំបាច់ចេញទៅខាងក្រៅតំបន់ ដើម្បីស្វែងរកទិញនោះទេ ព្រោះថាវាអាចមានលក់ដូរនៅតាមដងផ្លូវព្រោងព្រាត នៅក្នុងប្រទេសវៀតណាម -ទីកន្លែងដែលអ្នកអាចភ្លក់រសជាតិវាបាន ប្រសិនជាអ្នកកំពុងរស់នៅក្នុងតំបន់ទាំងនោះ ។
ទោះយ៉ាងណា អ្នកប្រើប្រាស់បណ្តាញសង្គមមួយចំនួន ហាក់ដូចជាមិនចូលចិត្តគំនិតហូបអាហារជីងចក់នេះសោះឡើយ បាននិយាយថា នៅពេលឃើញហូបបាយជាមួយជីងចកអាំង ឬ ចៀន បែបនេះ ពួកគេមានអារម្មណ៍ចង់ក្អួត ។ និយាយរួម គឺពួកគេអាចទទួលបានទេ ដែលជនជាតិវៀតណាមយកជីងចកមកអាំងហូបបែបនេះ ។
អ្នកលេងអ៊ីនធើរណែតម្នាក់ បានិយាយថា អ្នកដែលមានជីងចក់ច្រើននៅក្នុងផ្ទះ នឹងអាចរកចំណូលបានច្រើន ប្រសិនអ្នកលក់ពួកវាទៅកាន់ប្រទេសវៀតណាម ៕
ដោយ៖ លឹម ហុង