ត្រឹមរយៈពេលតែ ២៤ម៉ោង ប្រទេសកូរ៉េខាងត្បូងប្រកាសថា មានអ្នកឆ្លងវីរុសកូរ៉ូណាបន្ថែមចំនួន ៦០០នាក់ បណ្តាលឲ្យតួលេខនៃអ្នកឆ្លងសរុបទូទាំងប្រទេសកើនដល់ចំនួន ៤.៨១២ករណី។ នេះបើតាមមជ្ឈមមណ្ឌលបង្ការ និងគ្រប់គ្រងជំងឺ នៅថ្ងៃអង្គារនេះ។
ចំណែកអ្នកស្លាប់ដោយសារវីរុសមរណៈនេះ នៅកូរ៉េខាងត្បូង បានកើនដល់ចំនួន ៣៤នាក់ ខណៈចំនួនអ្នកស្លាប់ទូទាំងពិភពលោកមាន ៣.១០០នាក់។
វីរុសកូរ៉ូណា ឬ COVID-19 មានការរាតត្បាតយ៉ាងលឿននៅក្នុងប្រទេសកូរ៉េខាងត្បូង ក្នុងរយៈពេលប៉ុន្មានសប្តាហ៍ចុងក្រោយនេះ និងបានធ្វើឲ្យកូរ៉េខាងត្បូង ក្លាយជាប្រទេសដែលមានការឆ្លងច្រើនបំផុត បន្ទាប់ពីប្រទេសចិន កន្លែងដែលវីរុសផ្ទុះ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia