ត្រឹមតែរយៈពេលមួយថ្ងៃសោះ អ្នកស្លាប់ដោយសារវីរុសកូរ៉ូណានៅអ៊ីតាលី មានចំនួនរហូតដល់ ១៨នាក់ ហើយតួលេខនៃអ្នកស្លាប់សរុបបានកើនដល់ចំនួន ៥២នាក់ ខណៈដែលការឆ្លងមានលើស ២.០០០ករណី។
នេះជាការស្លាប់ដ៏ច្រើនបំផុត ចាប់តាំងពីមានការផ្ទុះខ្លាំងនៅអ៊ីតាលី ក្នុងរយៈពេល ១០ថ្ងៃចុងក្រោយនេះ។
នៅថ្ងៃច័ន្ទ មានអ្នកឆ្លងសរុបចំនួន ២.០៣៦នាក់នៅក្នុងប្រទេសអ៊ីតាលី បើធៀបទៅនឹងថ្ងៃអាទិត្យ ដែលមានអ្នកឆ្លងត្រឹមតែ ១.៦៩៤នាក់ប៉ុណ្ណោះ។
អ៊ីតាលីបានធ្វើតេស្តរកវីរុសលើមនុស្សសរុបចំនួន ២៣.៣៤៥នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
