ពិតណាស់ គ្រោះថ្នាក់ចរាចរណ៍ បាននិងកំពុងតែសម្លា ប់ មនុស្សជារៀងរាល់ថ្ងៃ ដែលកក្តាទាំងអស់នោះ គឺបង្កឡើងដោយប្រជាពលរដ្ឋមួយចំនួនជាអ្នកប្រើប្រាស់ដងផ្លូវ មិនបានគោរពច្បាប់ចរាចរណ៍ដូចជា៖ បើកបរហួសល្បឿនកំណត់ សេ ព គ្រឿ ង ស្រវឹង មិនពាក់មួកសុវត្ថិភាពនិង រួមជាមួយការបើកបរ គ្មានការយោគយល់អធ្យាស្រ័យឲ្យគ្នាជាដើម។
ជាក់ស្តែង វីដេអូមួយបានធ្វើឲ្យមានការហួសចិត្តជាខ្លាំង ខណៈបានឃើញពីទិដ្ឋភាពកង់បីឥណ្ឌា១គ្រឿង បានអនុញ្ញាតឲ្យភ្ញៀវទេសចរបរទេសជិះលើដំបូលយ៉ាងរំភើយ ជំនួសឲ្យការជិះខាងក្រោម ដោយពុំខ្លាចមានគ្រោះថ្នាក់សូម្បីសោះឡើយ ។
ហេតុការណ៍នេះ បើតាមម្ចាស់វីដេអូគណនីហ្វេសប៊ុកលោក សាន វិសាល បានប្រាប់ឲ្យដឹងថា ភ្ញៀវបរទេសប្រុសស្រី២នាក់ ពួកគាត់ពុំជិះទេខាងក្រោម តែបែរជាឡើងជិះលើដំបូលកង់បីឥណ្ឌា មើលទេសភាពយ៉ាងរំភើយ ស្ថិតនៅតាមបណ្តោយផ្លូវជាតិលេខ៨ កាលពីថ្ងៃទី០២ ខែមីនា ឆ្នាំ២០២០ ម្សិលមិញ ៕ ដោយ៖ លឹម ហុង
តោះ! ទស្សនាវីដេអូខាងក្រោមទាំងអស់គ្នា៖