ប្រទេសចិនបានប្រកាសថា មានការឆ្លងវីរុសកូរ៉ូណាថ្មីត្រឹមតែ ១២៥ករណីប៉ុណ្ណោះនៅថ្ងៃអង្គារនេះ ដែលវាគឺជាតួលេខនៃការឆ្លងប្រចាំថ្ងៃដ៏ទាបបំផុតក្នុងរយៈពេល ៦សប្តាហ៍ចុងក្រោយនេះ។
ក្រៅពីមានការឆ្លងទាប ចំនួនអ្នកស្លាប់ប្រចាំថ្ងៃក៏ទាបផងដែរ ដោយមានអ្នកស្លាប់ត្រឹមតែ ៣១នាក់ ហើយតួលេខនៃអ្នកស្លាប់សរុបនៅក្នុងប្រទេសចិន កើនដល់ចំនួន ២.៩៤៣នាក់។
ចំណែកតួលេខនៃអ្នកឆ្លងសរុប មានច្រើនជាង ៨០.០០០ករណីនៅក្នុងប្រទេសចិន។
សូមបញ្ជាក់ថា វីរុសកូរ៉ូណា បានផ្ទុះឡើងដំបូងក្នុងខែធ្នូ នៅក្នុងទីក្រុងវូហាន នៃខេត្ត Hubei មុនពេលវាបានរាតត្បាតដល់ប្រទេសជាង ៦០ទូទាំងពិភពលោក។
ចំនួនអ្នកឆ្លងនៅចិនមានការធ្លាក់ចុះជាបន្តបន្ទាប់ ក្រោយពេលកិច្ចប្រឹងប្រែងរបស់អាជ្ញាធរចិន៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia