ក្រសួងសុខាភិបាលរបស់ប្រទេសអារ៉ាប់ប៊ី សៅអូឌី បានប្រកាសថាខ្លួនបានរកឃើញមានអ្នកផ្ទុកវីរុសកូរ៉ូណាជាលើកដំបូង។
អ្នកដែលផ្ទុកវីរុសនោះ បានធ្វើដំណើរពីប្រទេសអ៊ីរ៉ងមកកាន់អារ៉ាប់ប៊ី សៅអូឌី តាមរយៈប្រទេសបារ៉ែន។
ការធ្វើតេស្តបង្ហាញថា បុរសនោះមានផ្ទុកវីរុសកូរ៉ូណា។
អាជ្ញាធរបានយកសំណាកពីមនុស្សជាច្រើន ដែលមានទំនាក់ទំនងជាមួយបុរសនោះ ដើម្បីតេស្តរកវីរុស ហើយលទ្ធផលនឹងបង្ហាញក្នុងពេលឆាប់ៗ។
សូមបញ្ជាក់ថា រហូតមកដល់ពេលនេះ អ្នកស្លាប់ដោយសារវីរុសកូរ៉ូណាមានជាង ៣.០០០នាក់ ខណៈអ្នកឆ្លង មានជាង ៩០.០០០នាក់។ ចំណែកអ្នកជាសះស្បើយមានជិត ៥០.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Al Jazeera
