ភ្នំពេញ៖ អធិការដ្ឋាននគរបាលខណ្ឌបឹងកេងកង បានឃាត់ខ្លួនជនសង្ស័យចំនួន១នាក់ ជាក់ស្ដែងពីបទ លួច សារ៉ុង និងកន្ដ្រៃកាត់ក្រចក នៅមូលដ្ឋានសង្កាត់អូឡាំពិក ខណ្ឌបឹងកេងកង ។
នៅថ្ងៃទី២ ខែមីនា ឆ្នាំ២០២០ វេលាម៉ោង១០:៣០នាទី កម្លាំងផ្នែកជំនាញ និងប៉ុស្ដិ៍នគរបាលរដ្ឋបាលអូឡាំពិក បានឃាត់ជនសង្ស័ចំនួន១នាក់ នៅចំណុច តូបលេខ 116Ao ក្នុងផ្សារអូឡាពិក ផ្លូវ286 ក្រុម10 ភូមិ 2 សង្កាត់អូឡាំពិក ខណ្ឌបឹងកេងកង រាជធានី ភ្នំពេញ ។
ជនសង្ស័យ ឈ្មោះ ម៉ៅ ចន្ថា ភេទស្រី អាយុ៦០ឆ្នាំ ស្នាក់នៅផ្ទះជួលគ្មានលេខ ផ្លូវលំ សង្កាត់ទួលសង្កែ ខណ្ឌ ឫស្សីកែវ រាជធានីភ្នំពេញ មុខរបរលក់ដូរ ។
វត្ថុតាងចាប់យកកន្ត្រៃកាត់ក្រចកចំនួន8ថង់ ស្មើ 80កន្រ្ដៃ ( ជារបស់ជនរងគ្រោះឈ្មោះ ហ៊ ដាលីន ) និងសារ៉ុងចំនួន 5ថង់ ស្មើ 50 សារ៉ុង( របស់ជនរងគ្រោះឈ្មោះ តាំង ណាំហេង) ។
សមត្ថកិច្ចបានធ្វើការប្រគល់ឲ្យជនរងគ្រោះ តាមការស្នើសុំ ដោយមានការឯកភាពពីលោក សេង ហៀង ព្រះរាជ្ញារងសាលាដំបូងរាជធានីភ្នំពេញ ។
បច្ចុប្បន្ន ជនសង្ស័យ ខាងលើត្រូវបានឃាត់ខ្លួននៅអធិការដ្ឋាននគរបាលខណ្ឌបឹងកេងកង ដើម្បីធ្វើការសាកសួរបន្ដ និងចាត់ការតាមនីតិវិធីច្បាប់ ៕ដោយ៖កូឡាប